Сырларнынъ ачылувы 5:5 - Мукъаддес Китап

⁵ О вакъыт акъсакъаллардан бири манъа: – Агълама! Мына, Ехуда къабилесинден Арслан, Давутнынъ Эвляды, енъди ве энди еди печатны бозып ве бурулгъан кягъытны ачып ола, – деди.

Сырларнынъ ачылувы 5:5 ပူးပေါင်းရင်းမြစ်များ

3 Падишалар 10:20

Алты басамакънынъ эки тарафындан он эки дане арслан япылгъан эди. Башкъа падишалыкъларда бу корюльмеген шей эди.

2 Тарих вакъиалары 9:18

Тахтнынъ алты басамагъы ве тахткъа къошулгъан аякъ тюбюне къоюлгъан алтын скемлечик бар эди. Отургъан ернинъ эки тарафындан эки тирсеклик бар эди, тирсекликлернинъ янында бирер арслан япылгъан эди.

Эюп акъкъында китап 41:15

Этининъ къатмерлери озь-ара къатты япышып, къыбырдамазлар.

Ешая 11:1

Кутюктен филис чыкъкъаны киби, тамырындан бир пытакъ аткъаны киби, Йишайнынъ союнда бир эвлят догъаджакъ.

Ешая 11:10

О куню Йишайнынъ эвляды халкъларгъа котерильген байракъ киби оладжакъ; Онъа миллетлер келеджек, ве О, яшагъан ерлер шуретли оладжакъ.

Йирмея 31:16

РАББИ бойле деди: – Агъламакътан озюнъни тут, козьлеринъден козьяш чыкъмасын, ишинъ ичюн мукяфат бардыр, – дей РАББИ, – олар душман топрагъындан къайтаджакълар.

Даниял 7:16

Мен анда тургъанларнынъ бирине якъынлаштым ве бутюн буларнынъ керчек манасыны сорадым. О да манъа руянынъ манасыны анълатты:

Сайылар 24:9

Арслан киби, ыргъачы арслан киби, пысып ята, Оны котермеге кимнинъ кучю бар? Санъа яхшылыкъ тилеген яхшылыкъ корер, Сени къаргъагъан исе къаргъышкъа огърасын!

Лука 23:28

Иса оларгъа айланып: – Эй, Ерусалим къызлары! Меним огърумда агъламанъыз. Озюнъиз ве балаларынъыз огърунда агъланъыз.

Лука 7:13

Рабби къадынны корьгенинен, оны аджыды. – Агълама! – деди де,

Лука 8:52

Эписи, озьлерини кокреклерине урып, ольген къызчыкъ ичюн агълай эдилер. Иса исе: – Агъламанъыз, о, ольмеген. О, юкълай, – деди.

Юхан 20:13

Олар Мерьемге: – Эй, къадын, сен не ичюн агълайсынъ? – дедилер. – Раббимни алып кеткенлер, Оны къаерге къойгъанларыны бильмейим, – деди о.

Римлилерге 1:3

Бу хабер – Онынъ Огълу, Раббимиз Иса Месих акъкъында хабердир. Догъгъанына бакъсакъ, О, Давутнынъ эвляды эди, амма олюлерден тирилип, азизлик Рухунынъ ярдымынен Алланынъ къудретли Огълу оларакъ ачылды.

Римлилерге 15:12

Ешая да айта ки, Йишайнынъ союндан Бири пейда оладжакъ, миллетлерге падишалыкъ япмагъа котериледжек; халкълар Онъа ишанаджакълар.

Еудийлерге 7:14

Белли ки, бизим Раббимиз Иса Ехуда къабилесинден келип чыкъты. Муса исе бу къабиле акъкъында айткъанда, руханийлик хызмети акъкъында ич бир шей айтмагъан эди.

Сырларнынъ ачылувы 1:1

Алла келеджек шейлерни Иса Месихке ачкъан. Якъынларда оладжакъ шейлерни Алланынъ къулларына бильдирмек ичюн, Иса Месих Озь мелегини къулу Юхангъа ёллады ве бу хаберни айтты.

Сырларнынъ ачылувы 22:16

– Мен, Иса, иманлылар джемиетлериме бу хаберни айтмагъа сизге Озь мелегимни ёлладым. Мен – Давутнынъ тамырым ве несилим, ярыкъ танъ йылдызым.

Сырларнынъ ачылувы 3:21

Енъеджек адамгъа Меннен берабер тахтымда отурмагъа ер берерим. Чюнки Мен де енъип, Бабамнен берабер Онынъ тахтында отурдым.

Сырларнынъ ачылувы 4:10

йигирми дёрт акъсакъал Тахтта Отургъаннынъ алдында ерге йыкъыла, эбедиен Яшагъаннынъ Адына ибадет эте ве озь таджларыны Алланынъ тахты огюне ташлап, бойле дей эдилер:

Сырларнынъ ачылувы 4:4

Тахтнынъ чевресинде йигирми дёрт тахт тура, бу тахтларда беяз урба кийген йигирми дёрт акъсакъал отура эди. Оларнынъ башларында алтын таджлар бар эди.

Сырларнынъ ачылувы 5:4

Бурулгъан кягъытны ачып окъумагъа я да ичине бакъмагъа ляйыкъ кимсе тапылмагъаны ичюн, мен чокъ агълап башладым.

Сырларнынъ ачылувы 6:1

Сонъ мен Къозу еди печаттан бирини бозгъаныны корьдим. О вакъытта дёрт айвандан бири кок гудюрдисине ошагъан сеснен: – Кель мында! – дегенини эшиттим.

Сырларнынъ ачылувы 7:13

Акъсакъаллардан бири менден сорады: – Беяз урба кийген бу адамлар ким олгъаныны, олар къайдан кельгенини билесинъми?