Сырларнынъ ачылувы 2:7 - Мукъаддес Китап

⁷ Рухнынъ иманлылар джемиетлерине айткъан лафларыны къулагъы олгъан эр бири эшитсин. Енъеджек адамгъа Алланынъ дженнет багъчасындаки яшайыш тереги мейвасындан ашамакъ акъкъыны береджегим».

Сырларнынъ ачылувы 2:7 ပူးပေါင်းရင်းမြစ်များ

Башланув 2:9

Багъчада РАББИ-Тааля козьге гузель ве ашкъа ляйыкъ чешит тюрлю махсуллары олгъан тереклерни осьтюрди. Багъчанынъ ортасында омюр терегини ве яхшылыкънен яманлыкъны айырып таныткъан терекни де сачты.

Икметли сёзлер 11:30

Инсафлы адамнынъ махсулы – омюр терегидир, икметли адам адамларнынъ юреклерини къазана.

Икметли сёзлер 13:12

Бошуна чыкъкъан умют – юрек азабы, ерине кельген истек – омюр тереги.

Икметли сёзлер 15:4

Юваш тиль – омюр тереги, алдатыджы сёз – рухнынъ олюми.

Икметли сёзлер 3:18

Икметни тапып алгъан адам ичюн, о – омюр терегидир, оны яхшы туткъан – бахтлыдыр!

Ехезкель 28:13

Сен Эдемде, Алланынъ багъчасында эдинъ. Чешит тюрлю къыйметли ташлар: якъут, сары якъут, эльмаз, хризолит, шохам, яспис, лазурит, карбункул, зумрут сени безете эди. Энъ гузель ве паалы алтыннен безетильген эдинъ. Буларнынъ эписи сен дюньягъа кельген куню япылгъан эди.

Ехезкель 31:8

РАББИнинъ багъчасындаки кедр тереклери онъа тенъ кельмеди: кипарислернинъ даллары онынъкилерине ошамады, платанларнынъ пытакълары да онынъкилери киби олмады. РАББИнинъ багъчасындаки тереклернинъ арасында о киби гузель терек ёкъ эди.

Матта 11:15

Къулагъы барлар буны эшитсинлер!

Матта 13:43

О вакъытта инсафлы адамлар озь Бабаларынынъ Падишалыгъында кунеш киби парылдайджакълар. Къулагъы барлар буны эшитсинлер! – деди.

Матта 13:9

Къулагъы барлар буны эшитсинлер!

Марк 4:9

Къулагъы барлар буны эшитсинлер! – деди Иса.

Марк 7:15

Тышарыдан инсан ичине кирген ич бир шей оны арам этип оламай. Аксине, адамнынъ ичинден чыкъкъан шей оны арам эте.

Лука 23:43

Иса онъа джевап берип: – Санъа догърусыны айтам: сен даа бугунь Меннен берабер дженнет багъчасында оладжакъсынъ, – деди.

Лука 8:8

Даа башкъалары яхшы топракъкъа тюше ве осип юз къат арткъач берекет берелер, – деди. Буны айткъан сонъ Иса: – Къулагъы барлар буны эшитсинлер! – деп къычырды.

Юхан 16:33

Сиз Менде барышыкъ тапмакъ ичюн буларны сизге айттым. Дюньяда къаза-беля ичинде яшарсынъыз. Лякин джесюр олунъыз: Мен бу дюньяны енъдим.

1 Коринтлилерге 2:10

Бизлерге исе Алла буны Озь Руху ярдымынен бильдирди. Рух бутюн шейлерни, атта Алланынъ терен тюшюнджелерини тешкерип бакъа.

2 Коринтлилерге 12:4

апансыздан дженнет багъчасына алынды ве инсангъа айтмагъа ясакъ олгъан сёзлерни эшитти.

1 Юхан 2:13

Бабалар, сизге язам: сиз башындан Бар олгъан Алланы бильдинъиз. Йигитлер, сизге язам: сиз яманны енъдинъиз. Балачыкълар, сизге язам: сиз Бабаны бильдинъиз.

Сырларнынъ ачылувы 13:9

Къулагъы олгъан адам эшитсин:

Сырларнынъ ачылувы 14:13

Сонъ коктен манъа айткъан бир сесни эшиттим: – Буны язып ал: «Не къадар бахтлылар Рабби Исагъа садыкъ олып, шу аньден башлап ольгенлер!» – Эбет, – дей Рух, – олар озь ишлеринден раат оладжакъ, артларындан оларнынъ япкъан ишлери келеджек.

Сырларнынъ ачылувы 15:2

Сонъ мен атешнен къарышкъан джам денъизине ошагъан шейни корьдим. Айванны, онынъ путуны ве адынынъ сайысыны енъгенлер Алланынъ арфаларыны алып, бу джам денъизининъ устюнде тура эдилер.

Сырларнынъ ачылувы 2:11

Рухнынъ иманлылар джемиетлерине айткъан лафларыны къулагъы олгъан эр бири эшитсин. Енъеджек адам экинджи олюмден ич бир зарар корьмез».

Сырларнынъ ачылувы 2:17

Рухнынъ иманлылар джемиетлерине айткъан лафларыны къулагъы олгъан эр бири эшитсин. Енъеджек адамгъа сакълангъан маннаны ашамагъа ёл берерим, оларгъа бир беяз ташны да берерим. Бу ташнынъ устюне янъы бир ад языладжакъ, оны ташны алгъан адамдан башкъа ич кимсе бильмез».

Сырларнынъ ачылувы 21:7

Енъеджек адам эр шейни аладжакъ. Мен онынъ Алласы олурым, ве о, Меним огълум олур.

Сырларнынъ ачылувы 22:14

Не къадар бахтлыдыр урбаларыны ювгъанлар! Оларнынъ шеэр араба къапуларындан кирмеге ве яшайыш тереги мейвасындан ашамагъа акъкъы бар!

Сырларнынъ ачылувы 22:17

Рух ве келин: – Кель! – дейлер. Эшиткен адам да: – Кель! – десин. Сувсагъан адам кельсин, истеген адам яшайыш сувуны бедава алсын.

Сырларнынъ ачылувы 22:2

ве шеэрнинъ баш сокъагъындан акъаята эди. Озеннинъ о тарафында да, бу тарафында да бир яшайыш тереги бар эди. Эр айда, йылда он эки кере бу терек мейва бере, терекнинъ япракълары халкъларгъа шифа бермек ичюн эди.