Сырларнынъ ачылувы 19:4 - Мукъаддес Китап

⁴ Шу вакъытта йигирми дёрт акъсакъал ве дёрт айван озьлерини ерге ташлап: – Амин! Эльхамдюлилля! – деп, тахтта отургъан Аллагъа ибадет эттилер.

Сырларнынъ ачылувы 19:4 ပူးပေါင်းရင်းမြစ်များ

1 Тарих вакъиалары 16:36

РАББИге, Исраильнинъ Алласына эбедиен, бутюн асырларда бинъ шукюрлер олсун! Сонъ бутюн халкъ: «Амин! РАББИге макътав олсун!» – деди.

Нехемья 5:13

Сонъра мен урбаларымны къакътым ве бойле дедим: – Алла сёзюни тутмагъан эр кимни бойле этип озь эвинден къакъсын, малыны-мулькюни элинден алсын! Эр шейи къакъылып алынсын, бом-бош къалсын! – дедим. Бутюн джемаат да бунъа: – Амин! – деди, РАББИге шукюр этти, ве халкъ сёзлерини тутты.

Нехемья 8:6

Узеир РАББИге, буюк Аллагъа шукюрлер этти. Бутюн халкъ да: «Амин! Амин!» – деп, къолларыны кокке котерди, эгильди, РАББИнинъ огюнде бетлеринен ерге тийдилер.

Зебур 104:35

Топракъларынынъ бутюн отларыны ашап ташладылар, тарладаки берекетни ашап битирдилер.

Зебур 72:19

Апансыздан олар гъайып олды, оларнынъ сонъу кельди, къоркъунчлы белялар оларны къаплады.

Йирмея 28:6

бойле деди: – Амин, ойле олсун! РАББИ буны япсын, сенинъ айткъанынъны беджерсин! РАББИнинъ Эвиндеки савутларынен бутюн сюргюн этильгенлерни Вавилондан мында къайтарсын!

Матта 6:13

Бизге ёлдан урулмагъа берме, яманлыкътан къорчала.

1 Коринтлилерге 14:16

Эгер сен тек Рухнен Аллагъа шукюр этсенъ, буны анъламагъан адам сенинъ шукюр дуванъа насыл «Амин» дейджек? О, сенинъ не айткъанынъны бильмей де!

Сырларнынъ ачылувы 15:7

Дёрт айвандан бири еди мелекке эбедиен яшагъан Алланынъ гъазабына толу еди алтын пиаланы берди.

Сырларнынъ ачылувы 19:1

Ондан сонъ кокте буюк бир къалабалыкъкъа ошагъан кучьлю сеслерни эшиттим: – Эльхамдюлилля! Алла – Къуртарыджымыздыр! О, шуретли ве къудретлидир!

Сырларнынъ ачылувы 19:3

Экинджи кере бойле дедилер: – Эльхамдюлилля! Вавилонны якъкъан атеш эбедиен тютейджек.

Сырларнынъ ачылувы 19:6

Сонъ чокъ адамларгъа, шувулдагъан сувларгъа, кучьлю кок гудюрдилерине ошагъан сеслерни эшиттим. Олар бойле деди: – Эльхамдюлилля! Рабби-Тааля, Къудретли Алла падишалыкъ япа!

Сырларнынъ ачылувы 5:14

Дёрт айван: «Амин!» – дедилер. Йигирми дёрт акъсакъал исе ерге йыкъылып ибадет эттилер.