Сырларнынъ ачылувы 18:7 - Мукъаддес Китап

⁷ О не къадар юкселип, байлыкъта яшагъан олса, онъа о къадар чокъ азап ве гъам беринъиз! Ороспу ичинден: «Мен падишалыкъ этем, тул къадын дегилим, ич бир вакъыт гъам корьмем», – дей.

Сырларнынъ ачылувы 18:7 ပူးပေါင်းရင်းမြစ်များ

Эстер 6:10

Падиша Хамангъа: – Тез урбанен атны ал да, сен айткъанынъ киби, сарайнынъ къапусы янында отургъан ехудалы Мордекъайгъа яп. Бакъ, айткъанларынъдан бир шейни къачырма, – деди.

Зебур 10:6

Инсафсызларнынъ башына О, янгъан къорны, ягъмур киби, ташлайджакъ, эм де атеш ве кукюрт ягъдыраджакъ, куйдюрген ель де оларнынъ къысмети оладжакъ.

Зебур 45:9

Келинъиз, РАББИнинъ ишлерине бакъынъыз; О, ер юзюни бозып, оны бош къалдырды.

Йирмея 13:18

Падиша ве онынъ апайына бойле айт: – Ерге отурунъыз! Шуретинъизнинъ таджы башынъыздан тюшти.

Агълав йырлары 1:1

Инсан толу олгъан шеэр бир озю къалды; халкълар арасында буюк олгъан шеэр тул къадын киби олды; виляетлер арасындаки башлыкъ къулгъа чевирильди.

Ехезкель 23:34

Сен оны ичип бошатаджакъсынъ, онынъ парчаларыны ялайджакъсынъ ве коксюнъни тырмалайджакъсынъ. Буны Мен айттым, – дей РАББИ-ТААЛЯ.

Овадья 1:3

Юрегинъдеки къопайлыкъ сени алдатты. Юксек ерде, къая чатлакъларында яшайсынъ, ичинъден: – Мени ерге ким тюшюрип олур? – дейсинъ.

Цефанья 2:15

Тантаналы шеэр, гъамсыз шеэр, озь ичинде: «Мен барым, меним киби башкъасы ёкъ», – деген шеэр бойле харабеге чевириледжек. Бу шеэр къоркъунчлы харабе олды, кийик айванларнынъ къобасына чевирильди! Янындан кечкен эр бири сызгъырып, къолуны саллайджакъ.

1 Тимотейге 5:11

Яш тул къадынларны сайлама. Оларнынъ беден истеклери оларны Месихтен узакълаштыргъанда, олар акъайгъа чыкъмагъа истейлер.

Сырларнынъ ачылувы 18:3

О, бутюн халкъларгъа озь сынъырсыз ороспулыкъ шарабыны ичирди, ер юзюнинъ падишалары онен ороспулыкъ япты, ер юзюнинъ алыш-веришчилери онынъ буюк байлыгъындан зенгинлештилер, – деди.

Сырларнынъ ачылувы 18:9

Вавилоннен ороспулыкъ япкъан, байлыкъта яшагъан ер юзюнинъ падишалары, оны якъкъан атешнинъ тютюнини корип, аджджы агълайджакълар.