Сырларнынъ ачылувы 17:8 - Мукъаддес Китап

⁸ Сен корьген айван бар эди, энди исе ёкъ. О, бираздан сонъ тюпсюзликтен чыкъаджакъ ве озь олюмине кетеджек. Ер юзюнде яшагъанлар, дюнья яратылгъандан берли яшайыш китабына язылмагъан бутюн адамлар айванны корип шашаджакълар, чюнки о бар эди, шимди ёкъ, амма кене келеджек.

Сырларнынъ ачылувы 17:8 ပူးပေါင်းရင်းမြစ်များ

Даниял 11:45

Падиша Акъ денъизнинъ ве гузель азиз дагънынъ арасында озь буюк чадырларыны къураджакъ. Лякин онынъ сонъу келеджек, ве онъа кимсе ярдым этмейджек.

Даниял 7:11

Бойнузнынъ къопай лаф эткени ичюн, козюм огюнде айван ольдюрильди, бедени ёкъ этильди ве атешке атылды.

Даниял 7:26

Лякин коклердеки къадылар топлашып, онынъ къолунда олгъан гъайып этиджи акимиетини тутып аладжакълар ве тюбю-тамырынен оны ёкъ этеджеклер.

Даниял 7:3

ве денъизден бири-бирине ошамагъан дёрт балабан айван чыкъты.

Даниял 7:7

Бундан сонъ гедже руяларымда бакъсам, дёртюнджи айванны – къоркъунчлы, дешетли ве артыкъ кучьлю бир айванны корьдим. Онынъ буюк демир тишлери бар эди. О, парчалай ве боза, къалгъаныны да аякълары тюбюне таптай эди. Эвельки бутюн айванларгъа ошамай эди. Онынъ он бойнузы бар эди.

Матта 25:34

О вакъытта Падиша онъ тарафындакилерине: – Эй, Меним Бабамдан хайыр алгъанлар, келинъиз! Дюнья яратылгъанындан берли сизлер ичюн мирас олып азырлангъан Падишалыкънынъ саиби олунъыз.

Лука 10:20

Амма джинлер сизге бойсунгъанына къуванманъыз, сизинъ адларынъыз коклерде язылгъанына къуванынъыз! – деди.

Лука 8:31

Джинлер, оларны буюк теренликке ёлламасын деп, Исагъа ялвардылар.

Юхан 17:24

Эй, Баба! Сен Манъа берген адамлар Меннен берабер бир ерде оладжакъларыны истейим. Мени дюнья яратылмаздан эвель севгенинъ ичюн, Сен Манъа берген шерефимни олар корьсюнлер.

Эфеслилерге 1:4

Биз Онынъ огюнде азиз ве севгиде къабаатсыз олайыкъ деп, Алла бизни Месихте дюнья яратылмасындан эвель сайлады.

Титке 1:2

эбедий омюрни алмагъа умют бере. Ялан айтмагъан Алла дюньянынъ яраткъанындан эвель бу омюрни бермеге ваде этти,

1 Пётр 1:20

О, дюньянынъ яратылмасындан эвель сайлангъан эди, лякин тек заманнынъ сонъунда сизлер ичюн пейда олды.

Сырларнынъ ачылувы 11:7

Олар шаатлап битиргенден сонъ, тюпсюзликтен чыкъкъан джанавар оларнен дженк этеджек, оларны енъеджек ве ольдюреджек.

Сырларнынъ ачылувы 17:11

Эвельде олгъан, шимди ёкъ олгъан айван исе – еди падиша киби бири олып, секизинджидир; о, олюмине кете.

Сырларнынъ ачылувы 17:2

Ер юзюнинъ падишалары онен ороспулыкъ япа эдилер, ер юзюнде яшагъанлар онынъ ороспулыкъ шарабындан сархош олдылар.

Сырларнынъ ачылувы 20:10

Оларны алдаткъан Шейтан атеш ве кукюрт голюне, айваннен ялан пейгъамбер олгъан ерге ташланды. О ерде олар гедже-куньдюз эбедиен чекишеджеклер.

Сырларнынъ ачылувы 20:12

Мен Алланынъ тахты алдында тургъан буюк ве кичик олюлерни корьдим. Китаплар ачылды. Яшайыш китабы деген башкъа бир китап да ачылды. Олюлернинъ эр бири китапларда язылгъан ишлерине коре суд этильди.

Сырларнынъ ачылувы 20:15

Адлары яшайыш китабында язылмагъанларнынъ эписи атеш голюне ташланды.

Сырларнынъ ачылувы 3:10

Сен Меним сабыр этмеге буюргъанымны беджердинъ, шунынъ ичюн Мен сени бутюн ер юзюнде яшагъанларны сынамакъ ичюн келеджек белядан сакъларым.

Сырларнынъ ачылувы 3:5

Енъеджек адам беяз урба киеджек. Мен онынъ адыны яшайыш китабындан сильмем, онынъ адыны Алла Бабамнынъ ве Онынъ мелеклерининъ алдында танырым.