Сырларнынъ ачылувы 14:3 - Мукъаддес Китап

³ Шу адамлар тахтнынъ алдында, дёрт айван ве акъсакъалларнынъ огюнде янъы бир йыр йырлай эдилер. Ер юзюнден сатын алынгъан бу 144 000 адамдан гъайры ич кимсе бу йырны огренип оламай эди.

Сырларнынъ ачылувы 14:3 ပူးပေါင်းရင်းမြစ်များ

Зебур 144:9

РАББИ эр бир инсангъа хайырлыдыр! Онынъ шефкъаты бутюн ишлериндедир!

Зебур 149:1

Эльхамдюлилля! РАББИге янъы бир йыр айтынъыз! Азизлернинъ топлашувында Онъа макътавлар олсун!

Зебур 33:3

Джаным РАББИнен макътаныр, алчакъгонъюллилер буны эшитип къуваныр!

Зебур 40:3

РАББИ оны къорчалар, онынъ омрюни сакълар, ве о, ер юзюнде бахтлы олур. Сен оны душманларнынъ истегенине бермезсинъ, я РАББИ.

Зебур 96:1

РАББИ – Падишадыр! Ер юзю къувансын, чокъ адалар севинсин!

Зебур 98:1

РАББИ – Падишадыр, титресин халкълар! Керувлар устюнде отура О, ер юзю къалтырасын!

Ешая 42:10

Эй, денъизнен ялдагъанлар ве денъизде олгъанлар! Эй, адалар ве устьлеринде яшагъанлар! РАББИге янъы бир йырны йырланъыз, дюньянынъ дёрт тарафындан Оны макътанъыз!

1 Коринтлилерге 1:18

Гъайып олаяткъанлар ичюн хач акъкъындаки хабер акъылсызлыкътыр. Амма къуртулышны алаяткъан бизге бу хабер – Алланынъ къудретидир.

1 Коринтлилерге 2:14

Озю ичюн яшагъан адам Алланынъ Руху огреткен шейлерни къабул этип оламай. О, буларны акъылсызлыкъ деп сая ве оларны анъламай, чюнки оларны тек Алланынъ Руху ярдымынен анъламакъ мумкюн.

Сырларнынъ ачылувы 14:1

Мен бакътым ве Сион дагъында тургъан Къозуны корьдим. Къозунен берабер 144 000 адам бар эди. Оларнынъ манълайында Онынъ ве Бабасынынъ Ады язылгъан эди.

Сырларнынъ ачылувы 15:3

Олар Алланынъ къулу Мусанынъ йырыны ве Къозунынъ йырыны айтып, бойле дей эдилер: – Рабби-Тааля, Къудретли Алла! Сенинъ ишлеринъ буюк ве аджайиптир. Халкъларнынъ Падишасы! Сенинъ япкъанларынъ догъру ве акътыр.

Сырларнынъ ачылувы 2:17

Рухнынъ иманлылар джемиетлерине айткъан лафларыны къулагъы олгъан эр бири эшитсин. Енъеджек адамгъа сакълангъан маннаны ашамагъа ёл берерим, оларгъа бир беяз ташны да берерим. Бу ташнынъ устюне янъы бир ад языладжакъ, оны ташны алгъан адамдан башкъа ич кимсе бильмез».

Сырларнынъ ачылувы 5:9

Олар янъы бир йыр йырлай башладылар: – Сен бурулгъан кягъытны алмагъа, онынъ печатларыны бозмагъа ляйыкъсынъ! Чюнки Сен къурбан оларакъ союлдынъ, ве Озь къанынъны тёкип, эр бир къабиледен, эр бир тильде лаф эткен миллеттен ве халкътан адамлар ичюн буюк фият тёлединъ ве оларны Аллагъа багъышладынъ.

Сырларнынъ ачылувы 7:4

Мен тамгъа къоюладжакъ адамларнынъ сайысыны эшиттим. Исраиль огъулларынынъ бутюн къабилелеринден 144 000 адамгъа тамгъа басылгъан эди.