Сырларнынъ ачылувы 12:12 - Мукъаддес Китап

¹² Шимди къуванынъыз, эй, коклер ве анда яшагъанлар! Амма ер ве денъизнинъ алы беля! Шейтан алдынъызгъа тюшип, пек гъазапланды, чюнки вакъыт аз къалгъаныны бильди.

Сырларнынъ ачылувы 12:12 ပူးပေါင်းရင်းမြစ်များ

Ешая 44:23

Эй, коклер, тантана этинъиз! РАББИ буны япты! Эй, топракъ теренликлери, сес котерип къычырынъыз! Эй, дагълар, орман ве ормандаки эр терек, къуванчынъыздан шамата котеринъиз! РАББИ Якъупны сатын алды, Исраильде шурет къазанды.

Ешая 49:13

Эй, коклер, къуванынъыз, ер юзю, шенълен, дагълар, къуванчнен къычырынъыз! РАББИ Озь халкъынынъ юрегини алды, Озь азап чеккенлерини аджыды.

Лука 15:10

Сизге айтам: тёвбе эткен бир гуналы ичюн Алланынъ мелеклери бойле де къуванаджакълар.

Лука 2:14

– Юкъары коклерде Аллагъа шан-шурет! О мемнюн олгъан адамларгъа ер юзюнде барышыкъ олсун! – дедилер.

Еудийлерге 10:37

– Даа бираз, аз вакъыттан сонъ, келеяткъан Бирев келеджек ве кеч къалмайджакъ.

2 Пётр 3:8

Севгилилерим, шуны эсинъизден чыкъарманъыз: Рабби ичюн бир кунь – бинъ йыл кибидир, ве бинъ йыл – бир кунь кибидир.

Сырларнынъ ачылувы 10:6

О, асырлардан асырларгъа Яшагъаннынъ огюнде, кок ве коктеки барлыкъны, ер ве ер юзюндеки барлыкъны, денъиз ве денъиздеки барлыкъны Яраткъаннынъ алдында ант этип деди: – Энди вакъыт олмайджакъ.

Сырларнынъ ачылувы 11:10

Ер юзюнде яшагъанлар бунъа севинип шенъленеджеклер ве бири-бирине бахшышлар ёллайджакълар, чюнки бу эки пейгъамбер ер юзюнде яшагъанларгъа чокъ азап берген эдилер.

Сырларнынъ ачылувы 11:14

Экинджи беля кечти. Мына, учюнджи беля тезден келеята.

Сырларнынъ ачылувы 12:9

Буюк аждерха, Иблис ве Шейтан адыны ташыгъан, бутюн дюньяны алдатып ёлдан ургъан къадимий йылан ер юзюне ташланды. Ер юзюне онынъ мелеклери де ташландылар.

Сырларнынъ ачылувы 13:6

Айван Алланы, Онынъ Адыны ве Онынъ Мескенини, эм де кокте яшагъанларны яманламакъ ичюн агъзыны ачты.

Сырларнынъ ачылувы 18:20

Эй, коклер, азизлер, эльчилер ве пейгъамберлер! Энди къуванынъыз, чюнки Алла шеэрни джезалады, акъкъынъызны алды.

Сырларнынъ ачылувы 8:13

Сонъ бакъсам, кокнинъ ортасында учкъан бир къартал кучьлю сеснен айткъаныны эшиттим: – Беля, беля, ер юзюнде яшагъанларнынъ алы беля! Боразанларыны чаладжакъ башкъа учь мелекнинъ боразан сесинден буюк беля оладжакъ!

Сырларнынъ ачылувы 9:12

Биринджи беля кечти, мына ондан сонъ даа эки беля келеята.