Сырларнынъ ачылувы 11:19 - Мукъаддес Китап

¹⁹ Сонъ Алланынъ коктеки Сарайы ачылды. Алланынъ Сарайында Онынъ Васиет Сандыгъы корюнди. О вакъытта яшын яшнады, сеслер янъгъырады, кок гудюрдеди, зельзеле башланды, ве кучьлю бурчакъ ягъды.

Сырларнынъ ачылувы 11:19 ပူးပေါင်းရင်းမြစ်များ

Зебур 105:32

Мерива сувлары янында Алланы гъазапландырдылар, олар ичюн Мусанынъ башына беля кельди.

Зебур 18:12

Сенинъ къулунъны да олар сакълай, оларгъа бойсунгъан адам буюк мукяфат алыр.

Ешая 28:2

Мына Раббининъ сагълам ве кучьлю бириси бар. Бурчакълы ягъмур, йыкъыджы боран, кучьлю сув ташкъыны киби келеджек. Рабби Озь къолунен буны ерге ёллайджакъ.

Ешая 29:6

Ордуларнынъ РАББИси сени джезалайджакъ, санъа къаршы кок гудюрдисини, ер тепренювини, кучьлю шувултыны, боран ве кучьлю ельни, эм де йыкъыджы атешни ёллайджакъ.

Ешая 30:30

РАББИ шуретли сесинен гудюрдейджек, буюк ачувнен къолуны котерип, къудретини косьтереджек, йыкъыджы атешни, дешетли боранны, ягъмурны ве ташлы бурчакъны ёллайджакъ.

Ешая 32:19

Бурчакъ орманларны ураджакъ, шеэр ернен ексан оладжакъ.

Ехезкель 13:11

Диварны сылагъанларгъа айт ки, дивар йыкъыладжакъ. Ягъмур къуйып ягъаджакъ, таш бурчакъ тюшеджек ве кучьлю ель диварны чатлатаджакъ,

Ехезкель 13:13

Шунынъ ичюн РАББИ-ТААЛЯ шойле дей: – Гъазабымда боран елини йибереджегим, ачувымда ягъмур къуйып ягъаджакъ, хышымымдан таш бурчакълар тюшеджек, ве дивар ёкъ оладжакъ.

Ехезкель 38:22

Оны ольдюриджи хасталыкънен ве ольдюрювнен джезалайджагъым. Онынъ озюне, ордусына, янында олгъан чокъ сайылы халкъларгъа Мен къоркъунчлы ягъмур, ташлы бурчакъ, атеш ве кукюрт ягъдыраджагъым.

Сайылар 10:33

Сонъ, ерлешеджек ерни сайламакъ ичюн, олар РАББИнинъ дагъындан учь куньлюк ёлгъа чыкътылар. РАББИнинъ Васиет Сандыгъы учь кунь девамында оглеринде кете эди.

Сайылар 4:15

Орду башкъа ерге кочькен вакъытта Харун ве онынъ огъуллары Мукъаддес Ерни ве Мукъаддес Ернинъ эписи алетлерини къапаткъан сонъ, Кехат огъуллары оларны ташымагъа кельсинлер. Лякин Мукъаддес Ерге токъунмасынлар, ёкъса олар ольдюриледжеклер. Корюшюв Чадырынынъ бу къысымларыны Кехат огъуллары ташысынлар.

Сайылар 4:5

Орду ёлгъа чыкъаджакъ вакъытта Харун ве оларнынъ огъуллары келип, къапаткъан пердени тюшюрсинлер ве онынънен Шаатлыкъ Сандыгъынынъ устюни къапатсынлар.

Нун огълу Ехошуа 10:11

Аморлылар Бет-Хорон дагъынынъ ашагъы тюшкен тарафындан исраиллилерден къачкъанларында, РАББИ коктен оларнынъ устюне Азекъагъа баргъандже балабан ташлар ата эди, ве олар оле эдилер. Таш бурчакълардан ольгенлернинъ сайысы Исраиль огъуллары къылычнен ольдюргенлернинъ сайысына коре чокъ эди.

Сырларнынъ ачылувы 11:13

О саатте кучьлю бир зельзеле олды, ве шеэрнинъ онда бири йыкъылды. Зельзеледе еди бинъ адам эляк олды. Къалгъанлары къоркъугъа далып, коктеки Алланы шуретледилер.

Сырларнынъ ачылувы 11:15

Единджи мелек боразан чалды. Кокте кучьлю сеслер янъгъырады: – Бу дюньянынъ падишалыгъы Раббимизнинъ ве Онынъ Месихининъ падишалыгъы олды. О, эбедиен падишалыкъ япаджакъ.

Сырларнынъ ачылувы 12:1

Кокте аджайип бир алямет – кунешке сарылгъан бир къадын пейда олды. Онынъ аякълары астында ай ве башында он эки йылдызлы тадж бар эди.

Сырларнынъ ачылувы 16:1

Сонъ Алланынъ Сарайындан еди мелекке: – Барынъыз, Алланынъ гъазабына толу еди пиаланы ер юзюне тёкюнъиз, – деген кучьлю бир сесни эшиттим.

Сырларнынъ ачылувы 16:18

О вакъыт яшынлар яшнады, сеслер янъгъырады, кок гудюрдеди, ве бир кучьлю зельзеле олды. Бу къадар кучьлю зельзеле адамлар ер юзюнде яшагъандан берли олмагъан эди.

Сырларнынъ ачылувы 16:21

О вакъыт коктен адамларнынъ устюне ири бурчакъ, балабан ташлар киби, ягъды. Адамлар бурчакъ белясындан Алланы яманлап башладылар, чюнки бу беля пек къоркъунчлы эди.

Сырларнынъ ачылувы 19:11

Ондан сонъ кок ачылып, мына, бир беяз ат тургъаныны корьдим. Атлынынъ Ады Ишанчлы ве Акъикъий эди. О, адалетли суд ве дженк эте.

Сырларнынъ ачылувы 4:1

Ондан сонъ бакъсам, кокте ачылаяткъан бир къапуны корьдим. Эвельден меннен лаф эткен боразан сесине ошагъан сес кене эшитильди: «Бу ерге чыкъ, ондан сонъ не оладжагъыны санъа косьтеририм».

Сырларнынъ ачылувы 4:5

Тахттан йылдырымлар, давушлар ве кок гудюрдиси келе эди. Тахтнынъ огюнде еди буюк лампат янып тура эди. Олар – Алланынъ еди Рухудыр.

Сырларнынъ ачылувы 7:15

Шунынъ ичюн олар Алланынъ тахты алдында туралар ве Онынъ Сарайында гедже-куньдюз Онъа хызмет этелер. Тахтта Отургъан оларгъа Озь чадырында бир ер береджек.

Сырларнынъ ачылувы 8:5

Мелек алтын чанакъны алып, оны къурбан ериндеки атешнен толдурды ве ер юзюне атты. О вакъыт кок гудюрдиси сеслери янъгъырап, яшын яшнады ве зельзеле башланды.

Сырларнынъ ачылувы 8:7

Биринджи мелек боразан чалды. Къаннен къарышкъан бурчакъ ве атеш пейда олды ве ер юзюне ягъды. Ернинъ учьте бири, тереклернинъ учьте бири ве бутюн ешиль отлар янды.