Сайылар 8:14 - Мукъаддес Китап

¹⁴ Бойле этип, левийлилерни Исраиль огъулларындан айыр, ве левийлилер Менимки оладжакълар.

Сайылар 8:14 ပူးပေါင်းရင်းမြစ်များ

Малакий 3:17

– Олар Менимки оладжакълар, – дей Ордуларнынъ РАББИси. – О куню Мен оларны Озюмнинъки, Меним барлыгъым деп япаджагъым. Баба озюне хызмет эткен огълуны насыл аджыса, Мен де оларны ойле аджыйджагъым.

Сайылар 18:6

Иште, Мен Исраиль огъуллары арасындан агъа-къардашларынъыз левийлилерни алдым ве оларны сизге бир бахшыш оларакъ бердим. Олар РАББИге багъышлангъандыр ве Корюшюв Чадырынен багълы хызметлерни япсынлар.

Сайылар 3:12

– Иште, Исраиль огъулларынынъ арасындан, эписи исраиллилернинъ биринджи огъулларынынъ еринде Мен Озюме левийлилерни алдым. Левийлилер Менимки олсунлар.

Сайылар 3:45

– Исраиллилернинъ биринджи догъгъанларынынъ ерине левийлилерни, айванларынынъ ерине левийлилернинъ айванларыны ал. Левийлилер Меним олсунлар. Мен – РАББИм.

Сайылар 3:9

Левийлилерни Харунгъа ве онынъ огъулларына бер. Исраиль огъулларындан олар бутюнлей Харунгъа берильгендир.

Сайылар 6:2

– Исраиль огъулларына бойле айт: Эгер бир акъай я да апай назарей олмагъа гузель адакъ берсе ве озюни РАББИге багъышласа,

Сайылар 8:13

Левийлилерни Харуннынъ ве онынъ огъулларынынъ огюнде къой ве оларны РАББИге салландырыладжакъ бахшыш оларакъ багъышла.

Сайылар 8:17

Исраиль огъулларында биринджи догъгъан бала я да айван Менимдир. Мысыр топрагъында биринджи догъгъанларны ёкъ эткен куню Мен оларны Озюме айырып азиз эттим

Римлилерге 1:1

Иса Месихнинъ къулу Павел (Алла мени эльчи оларакъ сайлап, Къуванчлы Хаберни даркъатмагъа ёллады.

Галатиядакилерге 1:15

Амма мен даа анамнынъ къурсагъында олгъанымда, Алла мени сайлап алды ве Озь эйилигинен мени чагъырды.

Къануннынъ текрары 10:8

О заман РАББИ Левий къабилесини айырды. Олар РАББИнинъ Васиет Сандыгъыны ташымакъ, РАББИнинъ огюнде турып, Онъа хызмет этмек ве Онынъ Адындан хайыр дувасыны окъумакъ керек оладжакъ эди. Бугунь де о, девам эте.

Еудийлерге 7:26

Бизлерге анавы бойле бир баш руханий керек. О, мукъаддес, къабаатсыз ве лекесиз, гуналы адамларнынъ арасындан олмагъан ве коклерден юксек котерильгендир.