Сайылар 8:12 - Мукъаддес Китап

¹² Левийлилер озь къолларыны бузавларнынъ башларына къойсунлар, ве сен левийлилер ичюн одеме этмеге, бир бузавны гуналар ичюн къурбан оларакъ чал, экинджисини исе РАББИге бутюнлей якъыладжакъ къурбан оларакъ чал.

Сайылар 8:12 ပူးပေါင်းရင်းမြစ်များ

Чыкъыш 29:10

Корюшюв Чадыры янына тананы кетирип, Харуннен огъуллары онынъ башына къолларыны къойсунлар.

Левийлилер 1:4

бутюнлей якъыладжакъ къурбаннынъ башына къолуны къойсун. Къурбан адам ичюн одеме оларакъ къабул этиледжек.

Левийлилер 14:22

Эм де кучю олгъаны къадар, эки кийик гогерджинни я да эки гогерджин баласыны алсын. Олардан бири – гуна ичюн къурбан, экинджиси исе – бутюнлей якъыладжакъ къурбан олсун.

Левийлилер 16:11

Харун озь гунасы ичюн къурбан оларакъ бузавны кетирсин, онынъ ве онынъ эви ичюн одеме этсин ве гунасы ичюн къурбан бузавны чалсын.

Левийлилер 16:21

Харун тири текенинъ башына къолларыны къойсун ве онынъ устюнден Исраиль огъулларынынъ бутюн къабаатларыны, джинаетлерини, гуналарыны айтсын ве оларнынъ эписини текенинъ башына юклесин. Сонъ бу иш ичюн айырылгъан бир адамнен бу текени сахрагъа йиберсин.

Левийлилер 16:6

Харун озь гунасы ичюн къурбан оларакъ бир бузавны кетирсин ве бойле этип, озю ве къорантасы ичюн одеме этсин.

Левийлилер 4:15

Джемаат акъсакъаллары РАББИнинъ огюнде бузавнынъ башына къолларыны къойсунлар ве РАББИнинъ огюнде оны сойсунлар.

Левийлилер 4:20

Гуна ичюн бузавнен япылгъан шейлерни шу бузавнен япсын. Руханий бойле япмакъ керек. Бойле этип, руханий олар ичюн одеме этер, ве олар багъышланырлар.

Левийлилер 4:35

Бутюн ич ягъыны, аманлыкъ къурбаны олгъан къойдан айырылгъаны киби, айырсын да, руханий оны къурбан ерининъ устюнде РАББИге якъыладжакъ къурбан оларакъ якъсын. Бойле этип, руханий онынъ гунасы ичюн одеме этер, ве о, багъышланыр.

Левийлилер 4:4

О бузавны Корюшюв Чадырынынъ киришине, РАББИнинъ огюне кетирсин, къолуны бузавнынъ башына къойсун да, оны РАББИнинъ огюнде сойсун.

Левийлилер 5:7

Эгер къозуны кетирип оламаса, озь къабааты ичюн эки кийик гогерджин я да эки гогерджин баласыны алып РАББИге кетирсин. Биринджиси – гуна ичюн къурбан, экинджиси – бутюнлей якъыладжакъ къурбан олсун.

Левийлилер 8:14

Сонъра Муса гуна ичюн къурбан оларакъ бузавны кетирди. Харун ве онынъ огъуллары гуна ичюн къурбанлыкъ бузавнынъ башына къолларыны къойды.

Левийлилер 8:15

Муса бузавны сойды, къаныны алып, къурбан ерининъ бойнузларына эр тарафлама пармагъынен сюртти ве къурбан ерини эляллады, къалгъан къаныны къурбан ерининъ тюбюне тёкти ве онынъ ичюн одеме этип, азиз этти.

Левийлилер 8:18

Сонъ Муса бутюнлей якъыладжакъ къурбан оларакъ къочкъарны кетирди. Харун ве онынъ огъуллары къолларыны къочкъарнынъ башына къойды.

Левийлилер 8:34

Бугунь япылгъан эр шейни РАББИ буюрды. Олар – сизлер ичюн одемедир.

Левийлилер 9:7

Муса Харунгъа: – Къурбан ерининъ янына бар, гуна ичюн къурбанынъны ве бутюнлей якъыладжакъ къурбанынъны алып кетир, озюнъ ве халкъ ичюн одеме эт. Халкънынъ адындан къурбан чал ве халкъ ичюн одеме эт. Бу – РАББИнинъ буюргъаныдыр, – деди.

Сайылар 6:14

Анда о, РАББИге бойле къурбанларны ве бахшышларны кетирсин: бутюнлей якъыладжакъ къурбан оларакъ – бир йыллыкъ къусурсыз къочкъарны, гуналар ичюн къурбан оларакъ – бир йыллыкъ къусурсыз къойны, аманлыкъ къурбаны оларакъ – даа бир къусурсыз къочкъарны,

Сайылар 6:16

Руханий буларны РАББИнинъ огюнде кетирсин ве гуналар ичюн къурбан ве бутюнлей якъыладжакъ къурбан оларакъ чалсын.

Сайылар 8:13

Левийлилерни Харуннынъ ве онынъ огъулларынынъ огюнде къой ве оларны РАББИге салландырыладжакъ бахшыш оларакъ багъышла.

Сайылар 8:8

Сонъ олар бир бузавны ве онен берабер ашлыкъ бахшышыны – зейтюн ягъынен къарыштырылгъан энъ яхшы богъдай унуны – алсынлар. Гуналар ичюн къурбан оларакъ башкъа бир бузавны ал.

Еудийлерге 9:22

Къанун боюнджа къаннен деерлик эр шей эляллана. Къан тёкюльмесе, багъышлав олмаз.