Сайылар 6:23 - Мукъаддес Китап

²³ – Харунгъа ве онынъ огъулларына бойле айт: Исраиль огъулларына яхшылыкъ тиленъиз, оларгъа бойле айтынъыз:

Сайылар 6:23 ပူးပေါင်းရင်းမြစ်များ

Башланув 24:60

Рефикъагъа эляллыкъ берип, онъа бойле дедилер: – Къызкъардашымыз! Сенден бинълер, онар бинълер эвлят олсун! Эвлятларынъ душманларыны енъсин ве бойсундырсынлар!

Башланув 47:10

Сонъ Якъуп фыравунны багъышлады ве фыравундан чыкъып кетти.

Башланув 47:7

Сонъ Юсуф бабасы Якъупны алып кельди ве фыравунгъа такъдим этти. Якъуп фыравунны багъышлады.

Башланув 48:20

Исраиль оларны о куню ойле сёзлернен багъышлады: – Исраиллилер: «Алла санъа Эфраимнен Менашшенинъ къысметини берсин», – деп, сенинъ адынънен багъышлайджакълар. Бойле этип, Исраиль Эфраимни Менашшеден буюк этти.

3 Падишалар 8:55

Аякъ устюнде турып, исраиллилернинъ бутюн топлашувына яхшылыкъ тилеп, юксек сеснен:

1 Тарих вакъиалары 23:13

Амрамнынъ огъуллары: Харун ве Муса. Харун ве онынъ огъуллары эбедиен улу азизликлерни багъышламакъ ичюн, РАББИнинъ огюнде къокъулы отларны якъмакъ, Онъа хызмет этмек ве Онынъ Адынен даима яхшылыкъ тилемек ичюн айырылгъан эдилер.

2 Тарих вакъиалары 30:27

Сонъ левийли руханийлер турды ве халкъкъа яхшылыкъ тиледилер. Оларнынъ сеслери эшитильди, ве дувалары коклерге, Онынъ мукъаддес мескенине барып еттилер.

Чыкъыш 39:43

Муса оларнынъ бутюн эткен ишини козьден кечирди ве, олар оны тамам РАББИ эмир эткени киби япкъанларыны корип, оларны багъышлады.

Сайылар 6:22

РАББИ Мусагъа бойле деди:

Римлилерге 1:7

Алла севген ве азиз олмагъа чагъыргъан, бутюн Рим шеэринде яшагъан иманлыларгъа: Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!

1 Коринтлилерге 1:3

Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!

Къануннынъ текрары 10:8

О заман РАББИ Левий къабилесини айырды. Олар РАББИнинъ Васиет Сандыгъыны ташымакъ, РАББИнинъ огюнде турып, Онъа хызмет этмек ве Онынъ Адындан хайыр дувасыны окъумакъ керек оладжакъ эди. Бугунь де о, девам эте.

Къануннынъ текрары 21:5

Сонъ руханийлер олгъан Левийнинъ огъуллары якъынлашсынлар. Алланъ олгъан РАББИ Озюне хызмет этмек, Онынъ Адындан хайыр дувасыны окъумакъ ве эр бир тартышма ве уджюм давасыны чезмек ичюн оларны сайлагъан.

Къануннынъ текрары 33:1

Ольмезден эвель, Алланынъ адамы Муса Исраиль огъулларына багъышлавлар тилеп,

Еудийлерге 7:1

Мелкиседек Салим шеэрининъ падишасы ве Юдже Алланынъ руханийи эди. Ибраим падишаларны енъип къайтаяткъанда, Мелкиседек оны къаршыламагъа чыкъты ве хайыр дувасыны окъуды.

Еудийлерге 7:7

Ич бир шубесиз, хайыр дувасыны окъугъан адам яхшылыкъ тилевини къабул эткен адамдан буюктир.

Нун огълу Ехошуа 8:33

Бутюн Исраиль, акъсакъаллары, реберлери ве башлыкълары Сандыкънынъ эки четинде, РАББИнинъ Васиет Сандыгъыны ташыгъан левийли руханийлернинъ къаршысына турдылар. Исраиллилер кельмешеклернен берабер тура эдилер: ярысы – Геризим дагъы янында, ярысы – Эвал дагъы янында. Эвельде РАББИнинъ къулу Муса Исраиль халкъыны тамам ойле багъышламагъа буюргъан эди.

1 Пётр 1:2

(Алла Баба эвельден бильгени киби, сиз сайлангъан эдинъиз, Мукъаддес Рух сизни азиз этти, ве сиз итаат эттинъиз, Иса Месихнинъ къанынен темизлендинъиз): Эйилик ве тынчлыкъ-аманлыкъ сизде чокълашсын!

2 Юхан 1:3

Алла Баба ве Бабанынъ Огълу олгъан Иса Месих бизге хайыр ве мераметни, акъикъат ве севгинен аманлыкъны берсин.