Сайылар 6:18 - Мукъаддес Китап

¹⁸ Сонъ назарей назарейликте осьтюрген сачларыны Корюшюв Чадырынынъ кириши янында къыркътырсын, назарейликте осьтюрген сачларыны алып, аманлыкъ къурбаны тюбюндеки атешке ташласын.

Сайылар 6:18 ပူးပေါင်းရင်းမြစ်များ

Сайылар 6:17

Руханий РАББИге аманлыкъ къурбаны оларакъ къочкъарны чалсын ве маясыз пите сепетини бахшыш оларакъ берсин. Руханий даа ашлыкъ ве тёкюледжек бахшышларны кетирсин.

Сайылар 6:5

Назарейлигининъ бутюн вакътында о адам башыны устранен тыраш этмесин. Озюни РАББИге багъышлагъан куньлер биткендже, о, азиз олсун, башындаки сачларыны осьтюрсин.

Сайылар 6:9

Эгер онынъ янында бирев апансыздан ольсе, ве назарей озь назарейлигини ве башынынъ сачларыны арамласа, о, эляллангъан кунюнде озь башыны тыраш этсин, единджи куню сачларыны къыркътырсын.

Лука 17:10

Сиз де бунъа ошап, буюрулгъан эр бир ишни беджергенден сонъ: «Биз макътавгъа ляйыкъ олмагъан къуллармыз, япаджагъымызны яптыкъ», – денъиз, – деди.

Фаалиет 18:18

Павел даа баягъы вакъыт шеэрде къалгъанындан сонъ, дин къардашларынен сагълыкълашып, Акила ве Прискилланен берабер Суриеге кеткен гемиге минди. Адакъ бергенине коре, Кенхрея шеэринде сачларыны къыркътыргъан эди.

Фаалиет 21:23

Шунынъ ичюн, санъа айтаджагъымызны яп. Бизде адакъ берген дёрт адам бар.

Фаалиет 21:24

Оларны янынъа алып, оларнен берабер элялланув адетини яп ве сачларыны алдырмакъ ичюн масрафларны озь бойнунъа ал. О вакъыт сенинъ акъкъынъда эшиткенлери ялан олгъаныны, аксине, Мусанынъ Къанунына коре яшагъанынъны биледжеклер.

Фаалиет 21:26

Эртеси куню Павел шу адамларны янына алып, оларнен берабер элялланув адетини кечирди. Сонъ Алланынъ Сарайына кирип, элялланув куньлери не вакъыт битеджеклерини, эр бири ичюн къурбанлыкъ кетириледжегини бильдирди.

Эфеслилерге 1:6

Онынъ шуретли эйилигине шукюрлер олсун, чюнки Озь севимли Огълунда О, бизге яхшылыкъ берди.