Сайылар 4:4 - Мукъаддес Китап

⁴ Корюшюв Чадырындаки Кехат огъулларынынъ хызмети – Энъ Мукъаддес Ерде хызмет этмектир.

Сайылар 4:4 ပူးပေါင်းရင်းမြစ်များ

1 Тарих вакъиалары 23:6

Давут левийлилернинъ эписини, Левийнинъ эвлятларына коре, болюклерге айырды: Гершон, Кехат ве Мерарий.

Сайылар 10:21

Сонъ Кехат огъуллары Мукъаддес Ерни алып, ёлгъа чыкътылар. Олар кельмезден эвель, Мескен къоюлмакъ керек эди.

Сайылар 4:15

Орду башкъа ерге кочькен вакъытта Харун ве онынъ огъуллары Мукъаддес Ерни ве Мукъаддес Ернинъ эписи алетлерини къапаткъан сонъ, Кехат огъуллары оларны ташымагъа кельсинлер. Лякин Мукъаддес Ерге токъунмасынлар, ёкъса олар ольдюриледжеклер. Корюшюв Чадырынынъ бу къысымларыны Кехат огъуллары ташысынлар.

Сайылар 4:19

Олар сагъ олсунлар ве Энъ Мукъаддес Ерге якъынлашкъанда ольмесинлер деп, бойле япынъыз: Харуннен огъуллары барсынлар ве эр адамгъа озь хызметини ве ташыйджакъ юкюни бильдирсинлер.

Сайылар 4:24

Мына гершонлыларнынъ сойлары япаджакъ ишлер. Олар бойле этип хызмет этсинлер ве юклер ташысынлар:

Сайылар 4:3

отуздан башлап элли яшынадже, хызмет эткенлернинъ эписини сай. Олар Корюшюв Чадырында чалышсынлар.

Сайылар 4:30

Корюшюв Чадырында хызмет этмек ичюн, хызметке ляйыкъ олгъан отуздан башлап элли яшынадже адамларнынъ эписини сай.

Сайылар 4:5

Орду ёлгъа чыкъаджакъ вакъытта Харун ве оларнынъ огъуллары келип, къапаткъан пердени тюшюрсинлер ве онынънен Шаатлыкъ Сандыгъынынъ устюни къапатсынлар.

Сайылар 7:9

Кехат огъулларына исе бир шей бермеди, чюнки оларнынъ иши – Мукъаддес Ерни омузларында ташымакътыр.

Марк 13:34

Бу бунъа ошай: бир адам, сеферге кетип, озь эвини къулларына къалдырып, эр бирине махсус вазифе бере. Къапу къаравулына исе козь-къулакъ олмакъны буюрып, ёлгъа чыкъа.