Сайылар 4:24 - Мукъаддес Китап

²⁴ Мына гершонлыларнынъ сойлары япаджакъ ишлер. Олар бойле этип хызмет этсинлер ве юклер ташысынлар:

Сайылар 4:24 ပူးပေါင်းရင်းမြစ်များ

Сайылар 10:17

Мескен къысымларгъа айырылды, ве Гершон огъуллары Мерарий огъулларынен берабер Мескенни ташып, ёлгъа чыкътылар.

Сайылар 3:25

Гершон огъуллары Корюшюв Чадырында Мескен, Чадырнынъ орьтюси ве Корюшюв Чадырынынъ киришиндеки перде ичюн джевапкяр эдилер.

Сайылар 3:26

Азбар перделери, Мескеннинъ ве къурбан ерининъ чевресиндеки азбар киришиндеки перде, йиплер ве бутюн керекли алетлери оларнынъ къолунда эдилер.

Сайылар 4:15

Орду башкъа ерге кочькен вакъытта Харун ве онынъ огъуллары Мукъаддес Ерни ве Мукъаддес Ернинъ эписи алетлерини къапаткъан сонъ, Кехат огъуллары оларны ташымагъа кельсинлер. Лякин Мукъаддес Ерге токъунмасынлар, ёкъса олар ольдюриледжеклер. Корюшюв Чадырынынъ бу къысымларыны Кехат огъуллары ташысынлар.

Сайылар 4:19

Олар сагъ олсунлар ве Энъ Мукъаддес Ерге якъынлашкъанда ольмесинлер деп, бойле япынъыз: Харуннен огъуллары барсынлар ве эр адамгъа озь хызметини ве ташыйджакъ юкюни бильдирсинлер.

Сайылар 4:23

Корюшюв Чадырында хызмет этмек ичюн, хызметке ляйыкъ олгъан отуздан башлап элли яшынадже адамларнынъ эписини сай.

Сайылар 4:25

Мескеннинъ безлерини, Корюшюв Чадырыны ве орьтюсини, устюне тёшеледжек индже ишленген терилер орьтюсини, Корюшюв Чадырынынъ киришиндеки пердени,

Сайылар 4:27

Гершон огъулларынынъ бутюн япаджакъ ишлери – юк ташымакъ я да башкъа бир хызмет этмек – Харуннынъ ве огъулларынынъ башлыгъында япылсын. Гершон огъуллары бутюн ташыгъан шейлери ичюн джевапкяр олсунлар.

Сайылар 4:47

Корюшюв Чадырында хызмет эткенлернинъ ве юклерни ташыгъанларнынъ эписини, отуздан башлап элли яшынадже бутюн адамларны сайдылар.

Сайылар 4:49

РАББИ Мусагъа буюргъаны киби, олар сайылдылар ве эр кес япаджакъ ишке ве ташыйджакъ юкке бельгилендилер. РАББИ Мусагъа эмир бергени киби, оларны сайдылар.

Сайылар 7:7

хызметлерине коре, Гершон огъулларына эки арабаны ве дёрт бугъаны,