Сайылар 4:15 - Мукъаддес Китап

¹⁵ Орду башкъа ерге кочькен вакъытта Харун ве онынъ огъуллары Мукъаддес Ерни ве Мукъаддес Ернинъ эписи алетлерини къапаткъан сонъ, Кехат огъуллары оларны ташымагъа кельсинлер. Лякин Мукъаддес Ерге токъунмасынлар, ёкъса олар ольдюриледжеклер. Корюшюв Чадырынынъ бу къысымларыны Кехат огъуллары ташысынлар.

Сайылар 4:15 ပူးပေါင်းရင်းမြစ်များ

2 Падишалар 15:24

Анда руханий Цадокъ ве Левий къабилесинден адамлар да бар эдилер. Олар Алланынъ Васиет Сандыгъыны алып кеттилер. Алланынъ Сандыгъыны ерге къойып, руханий Авиатар, бутюн халкъ шеэрден чыкъмагъандже, бир тёпеде турды.

2 Падишалар 6:13

РАББИнинъ Сандыгъыны алып кеткенлернинъ эр алты адымындан сонъ Давут бир бугъа ве бир бесленген тананы къурбан чала эди.

3 Падишалар 8:3

Исраильнинъ эписи акъсакъаллары кельди, руханийлер Сандыкъны котерди

1 Тарих вакъиалары 15:15

РАББИнинъ сёзюне коре, Мусанынъ эмирини тутып, левийлилернинъ огъуллары Алланынъ Сандыгъынынъ сырыкъларыны омузларына къойып алып кеттилер.

1 Тарих вакъиалары 15:2

Бундан сонъ Давут бойле деди: – Алланынъ Сандыгъыны левийлилерден гъайры башкъа бир кимсе ташымайджакъ. РАББИнинъ Сандыгъыны ташымакъ ве Онъа даима хызмет этмек РАББИ тек оларны сайлап алды.

1 Тарих вакъиалары 23:26

Шунынъ ичюн левийлилерге Алланынъ Мескенини ве ибадет хызметинде къулланылгъан чешит шейлерни ташымагъа кереги ёкъ».

Чыкъыш 19:12

Халкъ ичюн дагънынъ чевре-четине сызыкъ сыз ве: «Дагъгъа чыкъмагъа ве онынъ этегине токъунмагъа сакъынынъыз. Дагъгъа токъунгъан эр кимни ольдюринъиз,

Чыкъыш 19:21

РАББИ Мусагъа: – Тюшип, халкъкъа, олар РАББИни корьмеге, Онъа къаршы ынтылмасынлар ве олардан чокъусы гъайып олмасынлар деп, анълат.

Чыкъыш 27:7

Къурбан ерини ташыгъанда, сырыкъларны онынъ эки четинден алкъаларгъа кечир.

Левийлилер 16:13

Анда къокъулы отларны РАББИнинъ огюнде атеш устюне къойсун. Къокъу булуты Шаатлыкъ устюндеки Мерамет Ерини къаплар. Харун ойле япса, ольмез.

Сайылар 1:50

Левийлилер Шаатлыкъ Мескени, онынъ эписи алетлери ве шейлери ичюн джевапкяр оладжакълар. Олар Мескенни ве онынъ эписи алетлерини ташысынлар, онда хызмет этсинлер ве ордуларыны Мескеннинъ этрафында ерлештирсинлер.

Сайылар 1:51

Чадырны башкъа ерге кочюрмеге керек олгъанда, левийлилер оны дагъытсынлар, чадырны тиклемеге керек олгъанда, левийлилер оны тиклесинлер. Эгер янына башкъа бир адам якъынлашса, о ольдюрильсин.

Сайылар 10:21

Сонъ Кехат огъуллары Мукъаддес Ерни алып, ёлгъа чыкътылар. Олар кельмезден эвель, Мескен къоюлмакъ керек эди.

Сайылар 18:3

Олар сенинъ огюнъде джевапкяр олсун ве Чадырнен багълы бутюн хызметлерни беджерсин. Ялынъыз Мукъаддес Ернинъ шейлерине ве къурбан ерине якъынлашмасынлар, ёкъса, олар да, сиз де оледжексинъиз.

Сайылар 3:38

Мескеннинъ огюнде, Корюшюв Чадырынынъ шаркъ тарафында озь ордуларыны Муса, Харун ве огъуллары ерлештирсин. Олар Исраиль огъуллары ичюн Мукъаддес Ер ичюн джевапкяр олсунлар. Мукъаддес Ерге башкъа эр ким якъынлашса, ольдюриледжектир.

Сайылар 4:14

Сонъ ибадет этмек ичюн къулланылгъан бутюн алетлерни: комюр табакъларыны, сенеклерни, куречиклерни ве чанакъларны, – къурбан ерининъ эписи алетлерини онынъ устюне къойсунлар, оны индже ишленген терилер орьтюсинен къапатсынлар, сырыкъларыны ерине кечирсинлер.

Сайылар 4:19

Олар сагъ олсунлар ве Энъ Мукъаддес Ерге якъынлашкъанда ольмесинлер деп, бойле япынъыз: Харуннен огъуллары барсынлар ве эр адамгъа озь хызметини ве ташыйджакъ юкюни бильдирсинлер.

Сайылар 4:20

Олар озьлери, ольмемек ичюн, Мукъаддес Ерни къапаткъанда, онъа якъынлашып бакъмасынлар.

Сайылар 7:9

Кехат огъулларына исе бир шей бермеди, чюнки оларнынъ иши – Мукъаддес Ерни омузларында ташымакътыр.

Къануннынъ текрары 31:9

Муса бу Къанунны язды ве оны РАББИнинъ Васиет Сандыгъыны ташыгъан, Левий къабилесинден олгъан руханийлерге ве Исраильнинъ эписи акъсакъалларына берди.

Нун огълу Ехошуа 4:10

Сандыкъны ташыгъан руханийлер Иорданнынъ ортасында тура эдилер. Муса Ехошуагъа буюргъанлары ве РАББИ Ехошуагъа халкъкъа айтмагъа буюргъан эр бир шей ерине кельди. Халкъ исе тез-тез озенден кечти.

1 Падишалар 6:19

Алла Бет-Шемеш сакинлерини РАББИнинъ Сандыгъыны ачып бакъкъанлары ичюн джезалады, халкътан 50 070 адамны ольдюрди. РАББИ пек чокъ халкъны гъайып эткени ичюн, халкъ матем тутты.