12 – Иште, Исраиль огъулларынынъ арасындан, эписи исраиллилернинъ биринджи огъулларынынъ еринде Мен Озюме левийлилерни алдым. Левийлилер Менимки олсунлар.
– Исраиль огъулларында эр бир биринджи догъгъан джанны, эм адамдан, эм айвандан догъгъан баланы Манъа айырып элялла. Олар Менимкидир, – деди.
Иште, Мен Исраиль огъуллары арасындан агъа-къардашларынъыз левийлилерни алдым ве оларны сизге бир бахшыш оларакъ бердим. Олар РАББИге багъышлангъандыр ве Корюшюв Чадырынен багълы хызметлерни япсынлар.
РАББИ Мусагъа бойле деди:
Мен ичюн левийлилерни ал. Мен – РАББИм. Оларны исраиллилернинъ бутюн биринджи догъгъанларынынъ ерине ал, исраиллилернинъ биринджи догъгъан айванларынынъ ерине Мен ичюн левийлилернинъ айванларыны ал.
– Исраиллилернинъ биринджи догъгъанларынынъ ерине левийлилерни, айванларынынъ ерине левийлилернинъ айванларыны ал. Левийлилер Меним олсунлар. Мен – РАББИм.
Бойле этип, левийлилерни Исраиль огъулларындан айыр, ве левийлилер Менимки оладжакълар.
Исраиллилернинъ арасындан олар бутюнлей Манъа багъышлангъанлар. Биринджи догъгъанларынынъ, Исраиль къадынлары догъгъан биринджи огълан балаларынынъ ерине Мен оларны Озюме алдым.
ве Исраиль огъулларында биринджи догъгъан огълан балаларынынъ ерине левийлилерни алдым.