Сайылар 28:6 - Мукъаддес Китап

⁶ Бу – даимий бутюнлей якъыладжакъ бахшыштыр. О, Синай дагъында буюрылгъан эди, хош къокъу чыкъармакъ ичюн, РАББИге атеште якъыладжакъ къурбандыр.

Сайылар 28:6 ပူးပေါင်းရင်းမြစ်များ

2 Тарих вакъиалары 2:4

Мына мен РАББИ-Таалямнынъ Адына эв къурам. О, Раббиге багъышланаджакъ, ве Онынъ огюнде къокъулы шейлер якъыладжакъ, даима теклиф пителери къоюладжакъ, саба-акъшам бутюнлей якъыладжакъ къурбанлар кетириледжеклер, раатлыкъ куньлери, янъы ай куньлеринде ве РАББИ-Таалямызнынъ тайин эткен байрамларында бутюнлей якъыладжакъ къурбанлар кетириледжеклер. Буларнынъ эписини Исраиль эр вакъыт япмакъ керек.

2 Тарих вакъиалары 31:3

Падиша озь байлыгъындан бутюнлей якъыладжакъ къурбанлар ичюн айванларнынъ сайысыны бельгиледи: саба-акъшам кетирильген бутюнлей якъыладжакъ къурбанлар, раатлыкъ куньлеринде, янъы ай куньлеринде ве байрам куньлеринде кетирильген бутюнлей якъыладжакъ къурбанлар ичюн айванларны, РАББИнинъ Къанунында язылгъаны киби, бельгиледи.

Узеир 3:4

Сонъ, язылгъанына коре, Чалашлар Байрамыны яптылар ве эр кунь, куннинъ теркибине коре, бельгиленген сайыда бутюнлей якъыладжакъ къурбанларны чалдылар.

Зебур 50:8

Сен юректеки акъикъатны корьмеге истейсинъ, эм де ичиме бильги къоясынъ.

Чыкъыш 24:18

Муса, булутнынъ ортасына кирип, байыргъа чыкъты. Байыр устюнде Муса къыркъ кунь ве къыркъ гедже къалды.

Чыкъыш 31:18

Эки тегиз ташнынъ устьлеринде Озь къолунен эмирлерини язып, РАББИ Синай дагъында Мусанен лафны токътаткъан сонъ, бу Шаатлыкъ ташларыны Мусагъа берди.

Ехезкель 46:14

Онен берабер эр саба ашлыкъ бахшышы оларакъ бир чанакъ ве чанакънынъ учьте экиси ун кетир, ве унгъа къарыштырмакъ ичюн, чанакънынъ учьте экиси зейтюн ягъыны къош. РАББИге кетириледжек ашлыкъ бахшышларынынъ бу низамнамеси эбедийдир.

Ехезкель 46:15

Бойлеликнен, эр саба бутюнлей якъыладжакъ къурбан оларакъ бир къозуны, ашлыкъ бахшышыны ве зейтюн ягъыны эр вакъыт кетирсинлер.

Левийлилер 27:34

Синай дагъында Исраиль огъуллары ичюн Мусагъа буюргъан РАББИнинъ эмирлери будыр.

Левийлилер 6:9

– Харунгъа ве онынъ огъулларына бойле эмир эт: Мына бутюнлей якъыладжакъ къурбан акъкъында къанун. Бутюнлей якъыладжакъ къурбан якъылгъан ерде, къурбан ерининъ устюнде бутюн гедже сабагъадже къалсын, къурбан ерининъ атеши де сёнмесин.

Амос 5:25

Эй, Исраиль эви, къыркъ йыл сахрада Манъа къурбан ве ашлыкъ бахшышларыны кетирдинъизми?

Сайылар 28:5

Ашлыкъ бахшышы оларакъ ярым чанакъ темиз зейтюн ягъынен къарыштырылгъан бир чанакъ энъ яхшы богъдай унуны кетиринъиз.

Сайылар 28:7

Эр бир къочкъарнен ярым чанакъ ольчюсинде тёкюледжек бахшышны кетиринъиз. Азиз ерде тёкюледжек бахшыш оларакъ РАББИ ичюн ичкини тёкюнъиз.

Филиплердекилерге 2:17

Эгер мен, ичерлик бахшышы киби, сизинъ къурбанлыгъынъыз ве иман хызметинъизнинъ устюне тёкюльсем биле, мен бунъа да къуванам ве сизинъ къуванчынъызгъа къошулам.