Сайылар 26:62 - Мукъаддес Китап

⁶² Левийлилернинъ джедвельде язылгъанлары – бир айлыкъ ве даа зияде олгъан бутюн эркеклер – 23 000 адам. Олар Исраиль огъулларынен берабер сайылмадылар, чюнки Исраиль огъулларынынъ арасында оларгъа топракъ пайы берильмеген эди.

Сайылар 26:62 ပူးပေါင်းရင်းမြစ်များ

Сайылар 1:47

Лякин сайылувда деделерининъ къоранталарына коре левийлилер сайылмадылар,

Сайылар 1:49

– Ялынъыз Левий къабилесини сайма. Исраиль огъулларыны сайгъанда, оларны сайма.

Сайылар 26:63

Булардыр Муса ве руханий Элазар сайгъан адамлар. Олар Исраиль огъулларыны Моав тегизлигинде, Иорданнынъ янында, Ерихон къаршысында сайды.

Сайылар 3:39

РАББИнинъ буюргъанына коре Муса ве Харун джедвельде язгъан бир айлыкъ ве даа буюк яштаки бутюн левийли эркеклернинъ сайысы, оларнынъ сойларына коре, 22 000 эди.

Сайылар 4:27

Гершон огъулларынынъ бутюн япаджакъ ишлери – юк ташымакъ я да башкъа бир хызмет этмек – Харуннынъ ве огъулларынынъ башлыгъында япылсын. Гершон огъуллары бутюн ташыгъан шейлери ичюн джевапкяр олсунлар.

Сайылар 4:48

Сайылгъанлар 8 580 адам эди.

Къануннынъ текрары 10:9

Онынъ ичюн левийлининъ агъа-къардашларынынъ арасында пайы ве мулькю ёкътыр. Алланъ олгъан РАББИ онъа айткъаны дайын, РАББИ Озю – онынъ мулькюдир.

Нун огълу Ехошуа 13:14

Левийнинъ къабилесине Муса топракъ пайыны бермеди, чюнки РАББИ айткъанына коре, оларнынъ къысмети – Исраиль Алласы олгъан РАББИнинъ къурбанларыдыр.

Нун огълу Ехошуа 13:33

Левий къабилесине исе Муса топракъ асабалыгъыны бермеди. О, оларгъа айткъаны киби, оларнынъ пайы – Исраильнинъ Алласы олгъан РАББИдир.

Нун огълу Ехошуа 14:3

Эки бучукъ къабилеге Муса Иорданнынъ башкъа тарафында топракъ пайыны берди. Левийлилерге исе оларнынъ арасында топракъ пайы бермеди.