Сайылар 26:54 - Мукъаддес Китап

⁵⁴ Сайысы чокъча олгъанларгъа буюк пайны, сайысы азджа олгъанларгъа кучюк пайны бер. Эр къабилеге джедвельде язылгъан сайысына коре, адам башына коре пай берильсин.

Сайылар 26:54 ပူးပေါင်းရင်းမြစ်များ

Сайылар 26:53

– Адларынынъ сайысына коре оларгъа пай оларакъ топракъ болюнсин.

Сайылар 32:3

– Эм Атарот ве Дивон, эм Язер, эм Нимра, эм Хешбон, эм Элале, эм Севам, эм Нево, эм Беон –

Сайылар 32:5

Ве даа къоштылар: – Козюнъде урьмет къазансакъ, шу топракъны сенинъ къулларынъа мульк оларакъ бер, бизлерни Иорданнынъ башкъа тарафына кечирме.

Сайылар 33:54

Топракъны къабилелеринъиз арасында джереп чекип пай этинъиз. Чокъ сайылы къабилеге балабанджа пайны беринъиз, уфакъча союна – уфакъча пайны беринъиз. Кимге къайда джереп чыкъса, онынъ пайы анда олсун. Бабаларынъызнынъ къабилелерине коре озьлеринъизге пай алынъыз.

Сайылар 35:8

Исраиль огъулларынынъ мулькюнден левийлилерге шеэрлерни бергенде, буюк топракъ пайы олгъан къабиле чокъча шеэр берсин, кучюк топракъ пайы олгъан къабиле азджа шеэр берсин. Эр къабиле озюне тюшкен пайына коре левийлилерге шеэрлерни берсин.

Нун огълу Ехошуа 17:14

Юсуфнынъ огъуллары Ехошуадан: – РАББИ бизни багъышлагъаны киби чокъ сайылы олгъанымызгъа бакъмадан, не ичюн сен бизим топракъ пайымызгъа бир джереп чекип, тек бир пайны бердинъ? – деп сорадылар.

Нун огълу Ехошуа 19:9

Шимеон огъулларынынъ пайы Ехуда огъулларынынъ топракъ пайындан алынгъан эди, чюнки Ехуда огъулларынынъ пайы пек чокъ эди. Шунынъ ичюн Шимеон огъуллары озь пайыны оларнынъ топракълары арасындан алдылар.