Сайылар 24:5 - Мукъаддес Китап

⁵ Эй, Якъуп, чадырларынъ не гузель! Эй, Исраиль, сенинъ яшагъан ерлеринъ не гузель!

Сайылар 24:5 ပူးပေါင်းရင်းမြစ်များ

Нехемья 13:2

Чюнки олар исраиллилерни отьмек ве сувнен къаршыламадылар ве оларны къаргъамакъ ичюн Беламгъа пара тёледилер. (Амма Алламыз къаргъышны багъышлавгъа чевирди.)

Зебур 84:2

Я РАББИ, Сен Озь топрагъынъа мерамет косьтердинъ, Якъупны эсирликтен къайтардынъ,

Чыкъыш 38:21

Мына Шаатлыкъ Мескенининъ къурулмасына кеткен масрафларынынъ джедвели. Оны баш руханий Харуннынъ огълу Итамарнынъ ёлбашчылыгъында, Мусанынъ эмиринен Левий къабилесинден акъайлар тиздилер.

Энъ яхшы йыр 4:7

Баштан-аякъ гузельсинъ, ярем! Ич къусурынъ ёкъ.

Энъ яхшы йыр 6:4

– Ярем, Тирца шеэри киби, сен гузельсинъ, Ерусалим киби, дюльберсинъ, байракълар тюбюнде бир орду киби, аджайипсинъ.

Левийлилер 23:42

Еди кунь чалашларда яшанъыз. Бутюн ерли исраиллилер чалашларда яшасын.

Малакий 2:12

РАББИ буны япкъан эр бир адамны, о адам оны озю эткенине, я да башкъасына бакъып япкъанына бакъмадан, Якъупнынъ чадырларындан ёкъ этсин. Ордуларнынъ РАББИсине бахшышлар ве къурбанлар кетиреджек эвлятлары биле сагъ къалмасын.

Сайылар 2:34

Исраиллилер РАББИ Мусагъа эр буюргъан шейни беджердилер. Олар озь байракълары тюбюнде ордуларыны ерлештире эдилер ве эр кес, озь сойларынен ве къоранталарынен бирликте ёлгъа чыкъа эдилер.

Сайылар 24:2

Белам бакъты ве Исраильнинъ къабиле-къабиле ерлешкенини корьди. Онъа Алланынъ Руху энди.

Сайылар 24:4

Алланынъ сесини эшиткен адам дей, Къудретли Алланынъ руяларыны корьген акъай айта. О, ерге тюшеята, козьлери исе ачыкътыр.

Сайылар 24:6

Олар, вадийлер киби, джайылып яталар, озен ялысында багъчалар киби, РАББИ сачкъан ахалим тереклери киби, сувлар янындаки кедр тереклери кибидир.

Къануннынъ текрары 33:29

Исраиль, сен не де бахтлысынъ! Санъа ошагъан ким бар? РАББИ къуртаргъан халкъсынъ! О – сени къорчалагъан къалкъанынъдыр ве шуретинънинъ къылычыдыр. Огюнъде душманларынъ ялтакъланалар, сен исе оларнынъ ибадет тёпелерини аякъларынънен басасынъ.

Нун огълу Ехошуа 24:10

Лякин Мен Беламны динълемеге истемедим, ве о сизлерге яхшылыкъ тиледи. Мен сизни онынъ къолларындан къуртардым.