Сайылар 23:3 - Мукъаддес Китап

³ Сонъ Белам Балакъкъа: – Бутюнлей якъыладжакъ къурбанынънынъ янында бекле. Мен барайым, бельки РАББИ къаршыма чыкъар. О, манъа ачаджагъыны санъа бильдереджегим, – деди ве юксек бир ерге чыкъты.

Сайылар 23:3 ပူးပေါင်းရင်းမြစ်များ

Башланув 22:13

Ибраим бакъып, артында, чалы-чырпы ичинде бойнузларындан сарылып къалгъан къочкъарны корьди. Ибраим барып, къочкъарны алды ве огълу ерине оны къурбан чалып бутюнлей якъты.

Башланув 22:2

– Озь севимли, бирден-бир огълунъ Исхакъны ал да, Мория топрагъына бар. Анда Мен санъа айтаджакъ байырларнынъ биринде огълунъны къурбан чалып, бутюнлей якъ, – деди Алла.

Башланув 8:20

Нух РАББИге къурбан ерини азырлады, эписи элял айванлардан ве къушлардан алып къурбан чалды ве бутюнлей якъты.

Чыкъыш 18:12

Сонъ Мусанынъ къайнатасы Йитро Аллагъа бутюнлей якъылгъан ве башкъа къурбанлар чалды. Алланынъ огюнде Мусанынъ къайнатасынен берабер аш ашамакъ ичюн, Харун ве Исраильнинъ акъсакъаллары кельдилер.

Левийлилер 1:1

РАББИ Мусаны чагъырып, онъа Корюшюв Чадырындан бойле деди:

Сайылар 23:12

– Аджеба мен РАББИнинъ манъа берген сёзлерини айтмагъа борджлу дегилимми? – деди Белам.

Сайылар 23:15

Белам Балакъкъа: – Мында, бутюнлей якъыладжакъ къурбаннынъ янында бекле, мен Алланынъ къаршысына барайым, – деди.

Сайылар 23:2

Балакъ Белам айткъаны киби япты. Балакънен Белам эр къурбан ерининъ устюнде бирер бузавнен къочкъар къурбан оларакъ якътылар.

Сайылар 23:26

Белам джевап берип: – РАББИ не десе, оны япаджагъымны айтмадыммы санъа? – деди Балакъкъа.

Сайылар 23:4

Алла Беламгъа корюнди. Белам Онъа: – Еди къурбан ерини къурдым, эр къурбан ерининъ устюнде бирер бузавнен къочкъар къурбан оларакъ якътым, – деди.

Сайылар 24:1

Белам, РАББИнинъ Исраильге яхшылыкъ тилемектен хош къалгъаныны корип, эвель япкъаны киби фал бакъмады, юзюни сахрагъа чевирди.

Матта 4:8

Сонъ Шейтан Исаны пек юксек къая устюне чыкъартты. Дюньянынъ бутюн падишалыкъларыны ве оларнынъ шуретини Онъа косьтерип:

Нун огълу Ехошуа 24:10

Лякин Мен Беламны динълемеге истемедим, ве о сизлерге яхшылыкъ тиледи. Мен сизни онынъ къолларындан къуртардым.