Сайылар 22:1 - Мукъаддес Китап

¹ Сонъ Исраиль огъуллары ёлгъа чыкъып, ордуларыны Моав тегизликлеринде, Иордан озени ялысында, Ерихоннынъ къаршысында ерлештирдилер.

Сайылар 22:1 ပူးပေါင်းရင်းမြစ်များ

Йирмея 40:11

Вавилон падишасы ехудалыларнынъ базыларыны къалдырып, оларгъа Шафаннынъ торуныны, Ахикъамнынъ огълу Гедальяны башлыкъ этип къойгъаныны Моав топрагъында, Аммон огъулларынынъ мемлекетинде, Эдомда ве башкъа мемлекетлерде яшагъан ехудалыларнынъ эписи эшиттилер,

Сайылар 21:20

Бамоттан – вадийге бардылар. Шу вадий Моав топрагъында, сахранынъ къаршысында олгъан Фисга дагъынынъ тёпесинде ерлешкендир.

Сайылар 26:3

Муса ве руханий Элазар Моав тегизлигинде, Иорданнынъ янында, Ерихон къаршысында халкъкъа:

Сайылар 31:12

Эсирлернен гъаниметни ве бутюн алынгъан шейлерни Мусагъа ве руханий Элазаргъа ве Исраиль огъулларынынъ джемаатына, ордусына, Моав тегизлигине, Иордан озенининъ янына, Ерихон къаршысына кетирдилер.

Сайылар 32:19

Эгер бизге шаркъкъа тараф Иорданнынъ бу ялысында топракъ пайы берильсе, Иорданнынъ башкъа ялысында оларнен берабер пай алмайджакъмыз.

Сайылар 34:15

Бу эки къабиле ве ярым къабиле озь топракъ пайларыны Ерихоннынъ къаршысында, Иорданнынъ шаркъ тарафында алдылар.

Сайылар 35:1

Моав тюзлюклеринде, Иорданнынъ янында, Ерихоннынъ къаршысында РАББИ Мусагъа:

Сайылар 36:13

Моав тегизликлеринде, Иорданнынъ янында, Ерихон къаршысында РАББИ Мусанынъ ярдымынен Исраиль огъулларына бойле эмирлерини ве къарарларыны буюрды.

Къануннынъ текрары 1:5

Иордан озенининъ шаркъ янында, Моав топрагъында Муса бу къанунны анълатып башлады:

Къануннынъ текрары 3:8

Бойлеликнен, о заман биз бу эки аморлыларнынъ падишаларындан Иордан озенинден шаркъта яткъан, Арнон вадийинден Хермон дагъына къадар топракъларыны алдыкъ.

Къануннынъ текрары 34:1

Сонъ Муса Моав тюзлюгинден Нево дагъына, Ерихоннынъ къаршысында олгъан Фисганынъ тёпесине котерильди. Анда РАББИ онъа Гилад ерини, Дангъадже олгъан топракъны косьтерди.

Къануннынъ текрары 34:8

Исраиль огъуллары Моав тюзлюгинде 30 кунь девамында Мусанынъ артындан агъладылар. Сонъ Мусанынъ артындан агълап яныкълангъан матем куньлери битти.

Нун огълу Ехошуа 3:16

юкъарыдан акъкъан сув токътады, пек узакъта, Царетан янындаки Адам шеэрининъ янында дивар олып турды. Ашагъы, Арава денъизине, Олю денъизге акъкъан сувнынъ акъымы токътады.