Сайылар 2:10 - Мукъаддес Китап

¹⁰ Дженюпке тараф озь байрагъы тюбюнде Рубен ордусы озь болюклеринен ерлешсин. Шедеурнынъ огълу Элицур рубенлилернинъ башлыгъы олсун.

Сайылар 2:10 ပူးပေါင်းရင်းမြစ်များ

1 Тарих вакъиалары 5:1

Исраильнинъ биринджи огълу Рубеннинъ огъуллары. О биринджи догъгъандыр, лякин бабасынынъ ятагъыны арамлагъаны ичюн, онынъ биринджилиги Исраиль огълу Юсуфнынъ огъулларына кечти. Шунынъ ичюн несиллернинъ джедвелинде Рубен биринджи огъул оларакъ язылмагъандыр.

Сайылар 1:5

Янынъызда оладжакъ адамларнынъ адлары будыр: Рубен къабилесинден – Шедеурнынъ огълу Элицур,

Сайылар 10:18

Сонъ Рубен ордусы озь байрагъы тюбюнде болюклерине коре ёлгъа чыкъты. Шедеурнынъ огълу Элицур оларнынъ орду башлыгъы эди.

Сайылар 10:6

Экинджи кере телюке сигналы чалынгъанда, дженюп тарафында ерлешкен ордулар ёлгъа чыкъсынлар. Олар ёлгъа чыкъаяткъан вакъытта боразанда телюке сигналыны чалсынлар.

Сайылар 2:11

Онынъ аскерлери – 46 500 сайылгъан акъай.

Сайылар 7:30

Дёртюнджи куню Рубен огъулларынынъ башлыгъы, Шедеурнынъ огълу Элицур озь бахшышларыны кетирди.

Сайылар 7:35

аманлыкъ къурбаны оларакъ эки бугъа, беш къочкъар, беш теке, беш баш бир йыллыкъ къозу. Шедеурнынъ огълу Элицур бойле къурбанларны ве бахшышларны кетирди.