Сайылар 19:3 - Мукъаддес Китап

³ Оны руханий Элазаргъа беринъиз. О, оны ордудан тыш чыкъарсын. Сонъ оны Элазарнынъ огюнде сойсунлар.

Сайылар 19:3 ပူးပေါင်းရင်းမြစ်များ

Левийлилер 16:27

Гуна ичюн къурбан оларакъ чалынгъан ве къанлары Мукъаддес Ерде одеме этмек ичюн къулланылгъан бузавны ве текени ордудан тыш чыкъарсынлар ве оларны терилеринен, этлеринен ве арамлыкъларынен берабер якъсынлар.

Левийлилер 24:14

– Куфюр лаф айткъан огъланны ордудан тыш чыкъар. Айткъанларыны эшиткен эр кес онынъ башына къолларыны къойсун да, бутюн джемаат оны ташнен урып ольдюрсин.

Левийлилер 4:11

Бузавнынъ терисини, этини, башыны, аякъларыны, ич алетлерини, кубресини,

Левийлилер 4:12

бузавнынъ бутюн къалгъан шейлерини ордудан тышары, темиз ерге, куль сепильген ерге чыкъарсын да, одунларда якъсын. Оны куль сепильген ерде якъмакъ керек.

Левийлилер 4:21

Сонъ бузавны ордудан тышары чыкъарсын ве, биринджи бузавны якъкъаны киби, якъсын. Бу – джемаатнынъ гунасы ичюн къурбандыр.

Сайылар 15:36

Бутюн джемаат адамны ордудан тыш чыкъарып, РАББИ Мусагъа насыл эмир эткени киби, оны ташнен урып ольдюрдилер.

Сайылар 19:9

Элял сайылгъан бир кимсе къунанджыннынъ кулюни топласын ве ордудан тыш темиз сайылгъан бир ерге къойсун. Бу куль Исраиль джемааты ичюн, темизлев суву ичюн, сакълансын. Бу, гуналар ичюн къурбандыр.

Сайылар 3:4

Лякин Надав ве Авиху РАББИнинъ огюнде ольдилер, чюнки олар Синай сахрасында РАББИнинъ огюнде арам атешни къулланып ибадет эттилер. Оларнынъ балалары ёкъ эди. Элазар ве Итамар Харун бабасы янында руханийлик эттилер.

Сайылар 5:2

– Исраиль огъулларына буюр, тери хасталыгъына огърагъан, къан ве ирин акъувы олгъанлар я да олю адамгъа токъунып арамлангъан эр кесни ордудан тыш чыкъарсынлар.