Сайылар 18:11 - Мукъаддес Китап

¹¹ Оларнынъ котериледжек бахшышларындан булар сенинъ олсун: Исраиль огъулларынынъ эписи салландырыладжакъ бахшышларны Мен санъа, огъулларынъа ве къызларынъа берем. Бу – эбедий низамнамедир. Сенинъ эвинъде элял олгъан эр кес оларны ашап олур.

Сайылар 18:11 ပူးပေါင်းရင်းမြစ်များ

Левийлилер 10:14

Салландырыладжакъ бахшыш олгъан тёшни ве котериледжек бахшыш олгъан аякъны темиз ерде ашанъыз. Эм санъа, эм огъулларынъа, эм къызларынъа оны ашамагъа мумкюн. Бу – Исраиль огъулларынынъ аманлыкъ къурбанларындан сенинъ ве огъулларынънынъ пайыдыр.

Левийлилер 7:14

Бутюн бахшышлардан бирде-бир шейни РАББИге котериледжек бахшыш оларакъ кетирсин. Бу – аманлыкъ къурбанынынъ къаныны сепкен руханийнинъки олсун.

Сайылар 18:1

РАББИ Харунгъа бойле деди: – Сен, сенинъ огъулларынъ ве къабиленъ Мукъаддес Ерде япыладжакъ къанунсызлыкъ ичюн джевапкяр оладжакъсынъыз. Сен ве огъулларынъ озь руханийлигинъизде япыладжакъ къанунсызлыкъ ичюн джевапкяр оладжакъсынъыз.

Сайылар 18:10

Оларны энъ азиз бахшыш оларакъ ашанъыз. Эр эркек киши ондан ашап олур. Оларны азизлик деп сайынъыз.

Сайылар 18:19

Исраиль огъулларынынъ РАББИ ичюн котериледжек азиз башлыкъларнынъ эписини Мен санъа, огъулларынъа ве къызларынъа берем. Бу – эбедий низамнамедир, РАББИнинъ огюнде санъа ве сенинъ эвлятларынъа берильген эбедий туз васиетидир.

Сайылар 18:8

Сонъ РАББИ Харунгъа бойле деди: – Манъа котериледжек бахшышлар ичюн сен джевапкяр оладжакъсынъ. Исраиль огъулларынынъ эписи азиз бахшышларыны Мен санъа ве огъулларынъа берем. Олар сизинъ руханийлик пайынъыз олсун. Бу – эбедий низамнамедир.

Къануннынъ текрары 18:3

Ким халкътан бугъаны я да къой-эчкини къурбан чалса, руханийлерге бир пай бермек керек; къурбаннынъ курегини, эки янагъыны ве къарныны берсинлер.