Сайылар 17:11 - Мукъаддес Китап

¹¹ Муса буны япты. РАББИ онъа буюргъаны киби, Муса ойле де япты.

Сайылар 17:11 ပူးပေါင်းရင်းမြစ်များ

2 Тарих вакъиалары 19:10

Озь шеэрлеринде яшагъан агъа-къардашларынъыздан кельген эр бир давада – бир кимсенинъ ольдюрилюви олсун, къанун, эмирлер, низамнамелер я да къарарлар акъкъында давасы олсун – оларны огретинъиз. Сонъ олар РАББИнинъ огюнде къабаатлы олмайджакълар, Онынъ гъазабы да сизлерге ве агъа-къардашларынъызгъа тюшмейджек. Бойле япынъыз, ве о вакъыт сиз къабаатлы олмайджакъсынъыз.

Левийлилер 16:15

Сонъ халкънынъ адына гуна ичюн къурбан оларакъ текени чалсын, онынъ къаныны перде артына кирсетсин, бузавнынъ къанынен не япкъан олса, айны шуны япсын: оны Мерамет Ерининъ устюне ве Мерамет Ерининъ огюне сепсин.

Левийлилер 16:16

Бойле этип, Мукъаддес Ер ичюн, Исраиль халкъынынъ арамлыгъы, джинаетлери ве эр бир гуналары ичюн одеме этсин. Оларнен берабер булунгъан, оларнынъ арамлыкълары ичинде ерлешкен Корюшюв Чадырынен айны шуны япсын.

Сайылар 11:33

Эт даа халкънынъ тишлеринде олып чайналмагъан вакъытта, РАББИнинъ ачувы халкъкъа тюшти, ве РАББИ халкъны пек яман хасталыкънен урды.

Сайылар 17:10

РАББИ Мусагъа: – Харуннынъ таягъыны кене Шаатлыкъ огюне къой. О, сакълансын ве Манъа къаршы чыкъкъанларгъа бельги олсун. Сонъ олар Манъа къаршы шикяет этмейджек ве шунынъ ичюн ольмейджеклер, – деди.

Сайылар 17:12

Исраиль огъуллары Мусагъа: – Оледжекмиз! Ёкъ оладжакъмыз! Эпимиз ёкъ оладжакъмыз!