Сайылар 16:30 - Мукъаддес Китап

³⁰ Амма эгер РАББИ аджайип бир шейни япса ве ер ярылып, оларны ве оларнынъ эр шейини ютса, олар олюлер дюньясына тири алда тюшселер, буны билинъиз: бу адамлар РАББИге урьметсизлик бильдирдилер.

Сайылар 16:30 ပူးပေါင်းရင်းမြစ်များ

Эюп акъкъында китап 31:2

Юкъарыдаки Алладан адамнынъ аладжакъ пайы недир? Коклердеки Къудретли онъа не береджек?

Эюп акъкъында китап 31:3

Адалетсиз адамларгъа О, беля ёлламайджакъмы? Акъсызлыкъ япкъанларгъа бахытсызлыкъ бермейджекми?

Зебур 124:3

Ярамаз падиша инсафлыларнынъ топракъ мирасы устюнде идаре этмез, ёкъса инсафлылар ярамайлыкъкъа къол урар.

Ешая 28:21

РАББИ Перацим дагъында олгъаны дайын тураджакъ, Гивон вадийинде олгъаны киби ачувланаджакъ, Озюнинъ меракълы, аджайип ишини япаджакъ, о вакъыттан эвель корюльмеген арекетини этеджек.

Ешая 43:19

Бакъынъыз, янъы бир шей япаджагъым! Мына-мына пейда оладжакъ, аджеба буны да бильмеге истемейсинъиз? Мен сахрада ёл япаджагъым, бакъымсыз ерлерде озенлер акъызаджагъым.

Ешая 45:12

Ер юзюни Мен яптым, устюнде адамны яраттым. Коклерни Мен Озь къолларымнен кердим, ве бутюн кок ордусына буюрам.

Ешая 45:7

Мен ярыкъны ясайым, къаранлыкъны япам, аманлыкъ яратам ве беля ёллайым. Буны эписини япкъан – Мен, РАББИдирим!

Йирмея 31:22

Даа чокъ долашаджакъсынъмы, имансыз къыз? РАББИ ер юзюнде насылдыр янъы шей яратаджакъ, апай акъайны къуртараджакъ!

Ехезкель 31:14

Шунынъ ичюн сувларнынъ янында оськен тереклер озь юксеклигинен макътанмасын, даллы тёпесинен булутларгъа узанмасын, сувларнен сувлангъан ич бир терек юксек олмасын. Оларнынъ эписи олюмге бериледжек, мезаргъа тюшкен инсан огъулларынен бирликте олар ернинъ терен чукъурына тюшеджек.

Сайылар 16:31

Муса бу сёзлерни айтар-айтмаз, шу адамларнынъ алтындаки ер ярылды.

Сайылар 16:33

Бутюн олгъан шейлеринен берабер олар тири алда олюлер дюньясына тюштилер. Ер оларнынъ устюнден къапалды, ве олар джемаат арасындан ёкъ олдылар.