Сайылар 13:29 - Мукъаддес Китап

²⁹ Лякин о ерде яшагъан халкъ кучьлю, шеэрлери янына барылмаз ве пек буюктир. Анда биз Анакънынъ эвлятларыны корьдик.

Сайылар 13:29 ပူးပေါင်းရင်းမြစ်များ

Башланув 14:7

Андан къайтып, Эн-Мишпат, я да Къадеш янына кельдилер ве амалеклилернинъ бутюн мемлекетини ве Хацецон-Тамарда яшагъан аморлыларны урып йыкътылар.

Нехемья 9:8

Онынъ юрегини Озюнъе садыкъ олгъаныны корьдинъ, онъа васиет бердинъ, ханаанлыларнынъ, хитлилернинъ, аморлыларнынъ, перизлилернинъ, евуслыларнынъ ве гиргашлыларнынъ топракъларыны онынъ эвлятларына бермеге истединъ. Сонъ Сен ишанчлы олып, сёзюнъни беджердинъ.

Зебур 83:7

Агълав вадийинден кечкенде, анда чешмелерни ачар, ягъмур анда ягъып, берекет берер.

Чыкъыш 3:17

О, деди ки: «Мен сизлерге бакъып, Мысырда сизлернен олгъан шейлерни корьдим. Мен дедим ки, сизни Мысыр зулумындан ханаанлыларнынъ, хитлилернинъ, аморлыларнынъ, перизлилернинъ, хивлилернинъ ве евуслыларнынъ топрагъына, сютнен бал акъкъан топракъкъа алып кетерим», – айт.

Чыкъыш 3:8

Оны мысырлылар къолундан къуртарып ве оны бу ерден чыкъарып, сютнен бал акъкъан бол ве яхшы бир ерге алып кетмеге келем. Ханаанлыларнынъ, хитлилернинъ, аморлыларнынъ, перизлилернинъ, хивлилернинъ ве евуслыларнынъ топрагъына оны алып кетмек ичюн келем.

Сайылар 13:17

Топракъны бакъмакъ ичюн Мусанынъ ёллагъан адамлары булар эди. Муса Нуннынъ огълу Хошеагъа Ехошуа адыны берди.

Сайылар 13:30

Амалеклилер Негев топрагъында яшайлар. Хитлилер, евуслылар ве аморлылар – дагълыкъ ерде, ханаанлылар денъизнинъ янында ве Иорданнынъ ялысында яшайлар.

Сайылар 14:25

Вадийде амалеклилернен ханаанлылар яшайлар. Сиз ярын артынъызгъа чевирилип, сахрагъа, Къызыл денъизге ёл алынъыз.

Сайылар 14:43

Анда амалеклилернен ханаанлылар сизлерге къаршы чыкъаджакълар да, сизни къылычларынен ольдюреджеклер. Сиз РАББИден вазгечкенинъиз ичюн, РАББИ сизнен олмайджакъ!

Сайылар 14:45

Шу дагълыкъта яшагъан амалеклилернен ханаанлылар келип, оларны урып енъдилер ве тап Хорма шеэрине къадар къуваладылар.

Сайылар 24:20

Сонъ о, Амалекке тараф бакъты ве кинаели икяесини айтып берди: – Амалек халкълар арасында биринджидир, амма сонъу – ёкъ этилювидир.

Къануннынъ текрары 20:17

Алланъ олгъан РАББИ санъа эмир эткени киби, оларнынъ эписини мытлакъа айырып, бутюнлей ёкъ этмеге меджбурсынъ: хитлилерни, аморлыларны, ханаанлыларны, перизлилерни, хивлилерни ве евуслыларны.

Къануннынъ текрары 7:1

Топракънынъ саиплери олмакъ ичюн, сиз анда кетеятасыз. Алланъ олгъан РАББИ сени анда кетиргенинен, сенинъ козюнъден чокъ сайылы миллетлерни: хитлилерни, гиргашлыларны, аморлыларны, ханаанлыларны, перизлилерни, хивлилерни ве евуслыларны – сенден кучьлю ве чокъ сайылы олгъан еди миллетни къувалагъанынен,

Нун огълу Ехошуа 10:5

Беш аморлы падиша: Ерусалимнинъ падишасы, Хевроннынъ падишасы, Ярмутнынъ падишасы, Лакишнинъ падишасы ве Эглоннынъ падишасы берабер топлашып, ёлгъа чыкътылар. Олар ве ордулары, Гивон шеэрине къаршы дженк этмек ичюн, онынъ янына ордунен турдылар.

Нун огълу Ехошуа 10:6

Гивоннынъ сакинлери Ехошуанынъ ордусына Гилгалгъа адамларыны ёллап: – Къулларынъдан юзюнъни чевирме. Тездже кель ве ярдым этип, бизни къуртар. Дагъларда яшагъан эписи аморлы падишалар бизге къаршы топлаштылар, – дедилер.

Нун огълу Ехошуа 3:10

Сонъ Ехошуа къошты: – Тири Алла сизинъ огюнъизден ханаанлыларны, хитлилерни, хивлилерни, перизлилерни, гиргашлыларны, аморлыларны ве евуслыларны къуваджакъ. Сонъ сиз Алла аранъызда олгъаныны анълайджакъсынъыз:

Нун огълу Ехошуа 5:1

РАББИ Иорданнынъ сувларыны, Исраиль огъуллары кечсинлер деп, къуруткъаныны денъизге тараф Иорданнынъ гъарп тарафында яшагъан эписи аморлы падишалар ве денъиз янындаки эписи ханаанлы падишалар эшиттилер. Къоркъудан оларнынъ отьлери патлады, ве Исраиль огъулларына къаршы турмакъ ичюн джесюрликлери къалмады.

Нун огълу Ехошуа 9:1

Иорданнынъ гъарбий тарафында, дагъларда, тегиз ерлерде ве Акъ денъизнинъ бутюн ялысы боюнда Ливангъа баргъандже олгъан хитлилернинъ, аморлыларнынъ, ханаанлыларнынъ, перизлилернинъ, хивлилернинъ ве евуслыларнынъ падишалары буны эшиттилер.

Къадылар 3:5

Исраиль огъуллары ханаанлылар, хитлилер, аморлылар, перизлилер, хивлилер ве евуслылар арасында яшай эдилер,

Къадылар 6:3

Исраиллилернинъ экин вакъты битти, дегенде, мидьянлылар, оларнен бирликте амалеклилер ве шаркъий къабилелер де келе эдилер.

1 Падишалар 14:48

Шаул джесаретли дженклешти, амалеклилерни енъди ве Исраильни дарма-дагъын эткен адамлардан къуртарды.

1 Падишалар 27:8

Давут озь адамларынен чыкъып, гешурлылар, гирезлилер ве амалеклилерге уджюм этти. Шу халкълар Шургъа къадар, тап Мысыр топракъларына къадар къадимий заманлардан берли шу ерлерде яшай эдилер.

1 Падишалар 30:1

Учюнджи кунюне Давут ве адамлары Цикълагъгъа кеттилер. Амалеклилер исе Негевни ве Цикълагъны дарма-дагъын эткен эдилер. Цикълагъгъа уджюм этип, оны атешнен якъкъан эдилер,

1 Падишалар 7:14

РАББИ Исраильге Фелестин тарафындан запт этильген Экрондан Гъаткъа къадар бутюн шеэрлерни къайтарды. Исраиль шу къайтарылгъан шеэрлернинъ этрафларыны да Фелестин элинден къуртарды. О куньлерде Исраиль ве аморлылар муаббетлик акъкъында келишкен эдилер.