Сайылар 1:54 - Мукъаддес Китап

⁵⁴ Исраиль огъуллары шуны яптылар. РАББИ Мусагъа буюргъаны киби, олар эписини яптылар.

Сайылар 1:54 ပူးပေါင်းရင်းမြစ်များ

Чыкъыш 12:28

Исраиль огъуллары кетип, Мусагъа ве Харунгъа РАББИ эмир эткени киби, яптылар.

Чыкъыш 39:32

Бойлеликнен, Корюшюв Чадырынынъ бутюн ишлери япылып биткен эди. Исраиллилер, РАББИ Мусагъа насыл эмир эткен олса, ойле де эписини эттилер.

Чыкъыш 39:43

Муса оларнынъ бутюн эткен ишини козьден кечирди ве, олар оны тамам РАББИ эмир эткени киби япкъанларыны корип, оларны багъышлады.

Чыкъыш 40:16

Муса, РАББИ онъа насыл эмир эткен олса, эписини ойле де япты.

Чыкъыш 40:32

РАББИ Мусагъа эмир эткени киби, Корюшюв Чадырына киргенде, къурбан ерине якъынлашкъанда, даима абдест ала эдилер.

Сайылар 1:53

Исраиль огъулларына къаршы гъазап олмасын деп, левийлилер озь ордусыны Шаатлыкъ Мескенининъ этрафында ерлештирсинлер ве Шаатлыкъ Мескенини къаравулласынлар.

Сайылар 2:1

РАББИ Мусагъа ве Харунгъа бойле деди:

Сайылар 2:34

Исраиллилер РАББИ Мусагъа эр буюргъан шейни беджердилер. Олар озь байракълары тюбюнде ордуларыны ерлештире эдилер ве эр кес, озь сойларынен ве къоранталарынен бирликте ёлгъа чыкъа эдилер.

Сайылар 36:10

РАББИ Мусагъа насыл буюргъан олса, Целофехад къызлары ойле де яптылар.

Сайылар 8:20

Муса, Харун ве Исраиль огъулларынынъ бутюн джемааты левийлилер акъкъында айтылгъанны яптылар. РАББИ Мусагъа левийлилер акъкъында буюргъаны киби, Исраиль огъуллары ойле де яптылар.

Сайылар 9:22

Булут Мескеннинъ устюнде эки кунь, бир ай я да даа чокъ вакъыт девамында токътап турса, Исраиль огъуллары ордусында токътап, ёлгъа чыкъмай эдилер. Лякин булут котерильгенинен, олар ёлгъа чыкъа эдилер.

Сайылар 9:5

Ве олар Синай сахрасында биринджи айнынъ 14-юнджи куню акъшамы Песах Байрамыны яптылар. РАББИ Мусагъа буюргъаны киби, Исраиль огъуллары эр бир шейни яптылар.

Къануннынъ текрары 12:32

Мен сизге бутюн эмир эткенимни тутып япынъыз. Онъа бир шейни къошманъыз, бир шейини де эксильтменъиз.

1 Падишалар 15:22

Смаил Шаулгъа: – РАББИ ичюн, бутюнлей якъылгъан айванлар ве бахшышлар Оны динълемектен хайырлымы? Динълемек – къурбандан яхшы, эмирге бойсунмакъ – къочкъарнынъ ягъындан яхшыдыр, – деди.