Сайылар 1:53 - Мукъаддес Китап

⁵³ Исраиль огъулларына къаршы гъазап олмасын деп, левийлилер озь ордусыны Шаатлыкъ Мескенининъ этрафында ерлештирсинлер ве Шаатлыкъ Мескенини къаравулласынлар.

Сайылар 1:53 ပူးပေါင်းရင်းမြစ်များ

1 Тарих вакъиалары 23:32

Левийлилер Корюшюв Чадыры ве Мукъаддес Ер ичюн джевапкяр эдилер, къардашлары Харун огъулларына РАББИнинъ Эвиндеки ибадетлерде ярдым эте эдилер.

2 Тарих вакъиалары 13:10

Бизим Алламыз исе – РАББИдир. Биз оны къалдырмадыкъ, ве руханийлер, Харун огъуллары ве левийлилер озь ишини япкъанда, РАББИге хызмет этелер.

2 Тарих вакъиалары 13:11

Олар РАББИ ичюн эр саба-акъшам бутюнлей якъыладжакъ къурбанлар чалалар, къокъулы шейлер якъалар, темиз столда сыра-сыра теклиф пителерни къоялар, ве, эр акъшам янсын деп, алтын къандильнинъ лампатларыны якъалар. Биз Алламыз РАББИнинъ низамнамелерини тутамыз, сизлер исе Оны къалдырдынъыз.

Йирмея 23:15

Онынъ ичюн Ордуларнынъ РАББИси пейгъамберлер акъкъында бойле дей: – Бакъынъыз! Оларгъа аджджы отларны ашатаджагъым, зеэрли сув ичиреджегим, чюнки Ерусалим пейгъамберлеринден чыкъкъан имансызлыкъ бутюн мемлекетке джайрады.

Йирмея 5:31

пейгъамберлер ялан пейгъамберлик этелер, оларнынъ ярдымынен руханийлер башлыкъ этелер, халкъым да буны бегене. Амма сонъунда не япаджакъсынъыз?

Левийлилер 10:6

Муса Харунгъа ве онынъ огъулларына Элазаргъа ве Итамаргъа: – Сачларынъызны дагъытманъыз, урбаларынъызны йыртманъыз. Ёкъса, сизлер олерсинъиз ве бутюн джемаатнынъ башына РАББИнинъ ачувы тюшер. Къардашларынъыз ве бутюн Исраиль халкъы исе РАББИнинъ атешине якъкъан бу адамларнынъ артындан янып агъламакъ мумкюн.

Сайылар 1:50

Левийлилер Шаатлыкъ Мескени, онынъ эписи алетлери ве шейлери ичюн джевапкяр оладжакълар. Олар Мескенни ве онынъ эписи алетлерини ташысынлар, онда хызмет этсинлер ве ордуларыны Мескеннинъ этрафында ерлештирсинлер.

Сайылар 1:54

Исраиль огъуллары шуны яптылар. РАББИ Мусагъа буюргъаны киби, олар эписини яптылар.

Сайылар 16:46

Муса Харунгъа: – Комюр табагъыны ал да, ичине къурбан еринден атешни, атеш устюне къокъулы отларны къой. Тез джемааткъа чап да, олар ичюн одеме эт. РАББИнинъ гъазабы котерильди ве халкънынъ ёкъ этилюви башланды, – деди.

Сайылар 16:9

Исраиль Алласы сизни Исраиль джемаатындан айырды ве Озюне якъынлаштырды, – деп къошты. – Сиз РАББИнинъ Мескенинде хызмет этесиз, джемаат ичюн джевапкяр олып, оларнынъ огюнде турасынъыз. Аджеба, сизлер ичюн шу азлыкъ этеми?

Сайылар 17:7

Муса таякъларны Корюшюв Чадырына РАББИнинъ огюне къойды.

Сайылар 2:17

Корюшюв Чадыры ёлгъа чыкъкъанда, левийлилернинъ ордусы башкъа ордуларнынъ ортасында олсун. Эр орду, тургъаны киби, озь байрагъы тюбюнде ёлгъа чыкъсын.

Сайылар 3:23

Гершонлыларнынъ сойлары Мескеннинъ артындан гъарпкъа тараф ордунен ерлешсинлер.

Сайылар 3:29

Кехат огъулларынынъ сойлары озь ордуларыны Мескеннинъ дженюбий тарафында ерлештирсинлер.

Сайылар 3:35

Авихаилнинъ огълу Цуриэл мерарийлилернинъ къоранталарына башлыкъ олсун. Олар озь ордусыны Мескеннинъ шималий тарафында ерлештирсинлер.

Сайылар 3:38

Мескеннинъ огюнде, Корюшюв Чадырынынъ шаркъ тарафында озь ордуларыны Муса, Харун ве огъуллары ерлештирсин. Олар Исраиль огъуллары ичюн Мукъаддес Ер ичюн джевапкяр олсунлар. Мукъаддес Ерге башкъа эр ким якъынлашса, ольдюриледжектир.

Сайылар 31:30

Исраиль огъулларынынъ ярысындаки адамлардан, туварлардан, эшеклерден, къой-эчкилерден ве башкъа айванлардан эллиде бирини ал да, РАББИнинъ Мескени ичюн джевапкяр олгъан левийлилерге бер.

Сайылар 31:47

РАББИ Мусагъа буюргъаны киби, Исраиль огъулларына тюшкен яры пайдан Муса эр элли адамдан ве айвандан бирини алып, оларны РАББИнинъ Мескени ичюн джевапкяр олгъан левийлилерге берди.

Сайылар 8:19

Сонъ Исраиль огъулларынынъ арасындан Мен левийлилерни Харунгъа ве онынъ огъулларына бутюнлей бердим, олар Исраиль огъуллары ерине Корюшюв Чадырында хызмет этсинлер ве Исраиль огъуллары ичюн одеме этсинлер. О вакъыт, Исраиль огъуллары Мукъаддес Ерге якъынлашкъанда, оларнынъ башларына беля тюшмейджек.

2 Тимотейге 4:2

Алланынъ Сёзюни огрет, келишкен ве келишмеген вакъытта азыр ол, буюк сабырнен ве насиатнен гуналарны ярыкъкъа чыкъар, тенбиеле ве юреклендир.

1 Падишалар 6:19

Алла Бет-Шемеш сакинлерини РАББИнинъ Сандыгъыны ачып бакъкъанлары ичюн джезалады, халкътан 50 070 адамны ольдюрди. РАББИ пек чокъ халкъны гъайып эткени ичюн, халкъ матем тутты.