Сайылар 1:4 - Мукъаддес Китап

⁴ Сизинъ янынъызда эр бир къабиледен бирер къоранта башлыгъы олмакъ керек.

Сайылар 1:4 ပူးပေါင်းရင်းမြစ်များ

3 Падишалар 8:1

Бундан сонъра Сулейман падиша Исраильнинъ акъсакъалларыны, къабилелернинъ эписи башлыкъларыны, Исраиль огъулларынынъ сой ёлбашчыларыны, РАББИнинъ Васиет Сандыгъыны Давут Шеэринден, яни Сиондан, алып кетмек ичюн, озюне Ерусалимге чагъыртты.

Чыкъыш 18:21

Озюнъе бутюн халкътан къабилиетли, Алладан къоркъкъан, ачкозь олмагъан ве адалетли адамларны сайлап ал да, оларны халкънынъ устюне бинъбашы, юзбашы, эллибашы ве онбашы оларакъ къой.

Чыкъыш 18:25

Бутюн Исраильден къабилиетли адамларны сайлады ве оларны халкънынъ башлыкълары этти, бинъбашы, юзбашы, эллибашы ве онбашы оларакъ къойды.

Сайылар 1:16

Булар – джемаатнынъ сайлангъан акъайларыдыр, деделер къабилелерининъ башлыкълары, Исраильнинъ бинъбашыларыдыр.

Сайылар 1:44

Мусанен Харун ве Исраильнинъ он эки башлыкълары – эр бир къабиледен бирер адам – буларны сайдылар.

Сайылар 17:3

Левийнинъ таягъы устюне Харуннынъ адыны яз. Эр къабиле башы ичюн бир таякъ олсун.

Сайылар 25:14

Мидьянлы къызнен берабер ольдюрильген исраиллининъ ады Зимрий эди. О, Салунынъ огълу, шимеонлыларнынъ къоранта башлыгъы эди.

Сайылар 25:4

РАББИ Мусагъа: – Халкънынъ эписи башлыкъларыны ал да, куньдюз оларны Меним огюмде ас. О вакъыт Исраильге къаршы олгъан РАББИнинъ гъазабы ятышыр, – деди.

Сайылар 30:1

Муса РАББИ буюргъан эр шейни Исраиль огъулларына айтып берди.

Сайылар 4:34

Муса, Харун ве джемаатнынъ башлыкълары Кехат огъулларыны сойларына ве къоранталарына коре сайдылар.

Сайылар 7:2

Сонъ Исраиль башлыкълары, къоранта башлары, эсаплав ичюн джевапкяр олгъан къабиле башлыкълары кельдилер

Къануннынъ текрары 1:15

Сонъ мен къабилелеринъизнинъ башлыкъларындан акъыллы ве белли олгъан адамларны алдым, оларны бинъбашы, юзбашы, эллибашы, онбашы ве реберлер этип, къабилелеринъизге башлыкъ этмеге къойдым.

Нун огълу Ехошуа 22:14

Онен берабер он башлыкъ, Исраильнинъ эписи къабилелеринден бирер къабиле башлыгъы кеттилер. Олар Исраильнинъ сой башлыкълары эдилер.