Рут акъкъында китап 4:4 - Мукъаддес Китап

⁴ Буны санъа бильдиреджек ве буны айтаджакъ олдым: мында отургъанлар огюнде ве халкъымнынъ акъсакъаллары огюнде оны сатын ал. Аркъа олмагъа истесенъ, ол, олмагъа истемесенъ исе, манъа бильдир, ве мен билейим. Сенден гъайры аркъа олмагъа кимсенинъ акъкъы ёкъ. Сенден сонъ мен келем, – деди. – Мен аркъа олурым, – деди о.

Рут акъкъында китап 4:4 ပူးပေါင်းရင်းမြစ်များ

Башланув 23:11

– Ёкъ, эфендим! Мени динълесе: мен санъа тарланы берейим, устюндеки къобаны да санъа берейим, халкъымнынъ козю огюнде оны санъа бахшыш этейим. Кечинген апайынъны дефн эт.

Башланув 23:18

шеэр араба къапусына кельген эписи Хет огъулларынынъ козю огюнде Ибраимнинъ мулькю олды.

Йирмея 32:25

Сен де, РАББИ-ТААЛЯ, манъа: «Тарланы озюнъе кумюшке сатын ал да, шаатларны чагъыр», – дейсинъ, о вакъытта исе шеэр къасдийлилернинъ къолуна кече.

Римлилерге 12:17

Ич кимсенинъ яманлыгъына яманлыкънен къайтарманъыз. Бутюн адамлар яхшы сайгъан шейлерни япынъыз.

2 Коринтлилерге 8:21

Биз тек Раббининъ огюнде дегиль, адамларнынъ огюнде де догъру ишлер япмагъа арекет этемиз.

Къануннынъ текрары 25:8

О заман шеэр акъсакъаллары оны чагъырып, онен лакъырды этсинлер. Эгер о, эписи бир инатланып: «Онъа эвленмеге истемейим», – десе,

Филиплердекилерге 4:8

Сонъунда, агъа-къардашлар, эр бир акъикъий, намуслы, догъру, темиз, гузель, шуретли, мукеммель ве макътавгъа ляйыкъ шейлер акъкъында тюшюнинъиз.

Рут акъкъында китап 2:20

– РАББИ ондан разы олсун, чюнки о сагъларгъа да, олюлерге де мерамет косьтерди, – деди Ноомий келинине. Сонъ Ноомий даа къошты: – Бу адам бизим якъынымыз, бизим ичюн джевапкяр догъмушлардан биридир.

Рут акъкъында китап 3:12

Акъикъатен де, мен джевапкяр догъмушынъ олгъаным догърудыр, лякин менден де якъын догъмушынъ бар.

Рут акъкъында китап 3:9

Ондан: – Сен кимсинъ? – деп сорады. – Мен къулунъ, Рутым, – деди. – Меним къорчалайыджым олып, мени сенинъ эвинъе ал, чюнки сен меним ичюн джевапкяр догъмушсынъ.