Римлилерге 2:3 - Мукъаддес Китап

³ Бойле ишлерни суд этип, оларны озюнъ япсанъ, Алланынъ укюминден къуртулып оладжакъсынъмы, эй, адам?

Римлилерге 2:3 ပူးပေါင်းရင်းမြစ်များ

2 Падишалар 10:3

Лякин аммонлы мырзалары Ханунгъа: – Сен не беллейсинъ, Давут бабанъа урьмет этмек ичюн санъа адам йибердими? Давут озь хызметчилерини шеэрни бакъмагъа, эр ерни айланып чыкъып, сонъра оны тар-мар этмеге йибермедими экен? – дедилер.

Эюп акъкъында китап 35:2

«Алладан акълым», – дегенинъни догъру саясынъмы?

Зебур 50:21

О вакъыт темиз къурбанларны, атеште якъылгъан, бутюнлей якъылгъан къурбанларны Сен къабул этеджексинъ. О вакъыт Сенинъ къурбан еринъе таналарны кетирип къояджакълар.

Зебур 56:7

Олар аякъларыма къапкъан азырлады, – джаным ашагъы тюшти, – ёлумда чукъур къаздылар, – озьлери онынъ ичине тюшти. Сэла

Икметли сёзлер 11:21

Керчектен, яман адам джезасыз къалмайджагъына баш бермек мумкюн, инсафлы адамларнынъ эвлятлары исе сагъ къуртурылыр.

Икметли сёзлер 16:5

Кибирли юректен РАББИ нефретленир, керчектен де, о джезасыз къалмаз.

Ехезкель 17:15

Лякин Ерусалим падишасы Вавилон падишасына къаршы исьян котерди, мысырлылар онъа атларны ве чокъ аскерлерни берсин деп, Мысыргъа хаберджилерини йиберди. Амма о енъиш къазанырмы? Бу ишни япкъан сагъ къалырмы? Шартнамени бозса, сагъ къаладжакъмы я?

Ехезкель 17:18

О, сёз берип, къолуны узатты, лякин антыны ве шартнамесини бозды. Бунынъ эписини япкъаны ичюн о, къуртулмаз.

Даниял 10:19

ве бойле деди: – Къоркъма, Алла севген адам! Сенде эр шей эсен-аман олсун! Джесаретли ве кучьлю ол! О меннен лаф эткенде, мен къуветлендим ве онъа бойле дедим: – Айт, эфендим! Сен манъа кучь бердинъ.

Матта 23:33

Сиз йыланлар ве йылан союндансыз! Джеэннем джезасындан къуртуламазсынъыз!

Матта 26:53

Я да сен, Мен Бабама риджа этип оламам деп беллейсинъми? О Манъа шу ань он эки мелек ордусындан чокъ йиберер эди.

Лука 12:14

Иса онъа джевап берип: – Акъай, Мени сизге къады олмакъ я да даваларынъызны чезмек ичюн ким къойды? – деди.

Лука 22:58

Бираздан сонъ башкъа бир адам Пётрны корип: – Сен де олардан бириси оласынъ! – деди. Пётр онъа да: – Адам, мен олардан бириси дегилим! – деди.

Лука 22:60

Пётр онъа да: – Акъай, сен не айткъанынъны бильмейим, – деди. О вакъыт, Пётр лафыны даа битирмегенде, хораз къычырды.

Римлилерге 1:32

Олар билелер ки, бойле арекет эткенлер Алланынъ инсафлы Къанунына коре олюм джезасыны алмакъ кереклер, амма эп бир шай этелер, бундан да гъайры, шай эткенлерни макътайлар.

Римлилерге 2:1

Шунынъ ичюн, эгер сен башкъаларны суд этсенъ, ким олсанъ ол, озюнъни акъламакъ ичюн ич бир джевап берип оламайджакъсынъ. Башкъа адамны суд эткенде, сен укюм джезасыны озюнъе бересинъ. Башкъасыны суд этип, озюнъ де суд этильген ишлерни япасынъ!

Римлилерге 2:2

Билемиз ки, бойле ишлер япкъанларны Алла адалетнен суд этеджек.

Римлилерге 9:20

Эй, адам, сен кимсинъ? Аллагъа сёз къайтарырсынъмы? Чёльмек чёльмекчиге: «Мени не ичюн бойле ясадынъ?» – дерми?

1 Тессалоникелилерге 5:3

Адамлар: «Тынчлыкъ-аманлыкъ ве хавфсызлыкъ», – деп юргенде, о вакъыт олюм оларгъа апансыздан, догъаджакъ къадынгъа агъры киби, келеджек, ве олар ондан къачып кетмейджеклер.

Еудийлерге 12:25

Бакъынъыз, лаф эткен Биревден башынъызны чевирменъиз. Ер юзюнде айткъандан башыны чевиргенлер джезадан къачмадылар. Эгер биз коктен лаф эткен Биревден башымызны чевирсек, даа агъыр джезагъа огърайджакъмыз.

Еудийлерге 2:3

Башта адамларгъа къуртулыш акъкъында Рабби бильдирди, шуны бизге Оны эшиткенлер тасдыкълады, Алла оны бельгилернен, аджайип шейлернен ве эр тюрлю къудретли ишлернен исбатлады, эм де Озь истегинен адамларгъа Мукъаддес Рухны берди. Эгер биз бу къуртулыш хаберине къулакъ асмасакъ, джезадан насыл этип къуртуладжакъмыз?