Нун огълу Ехошуа 9:18 - Мукъаддес Китап

¹⁸ Лякин Исраиль огъуллары оларны йыкъмадылар, чюнки джемаатнынъ башлыкълары Исраильнинъ Алласы олгъан РАББИнинъ Адынен оларны тиймемеге емин эткен эдилер. Бутюн джемаат башлыкъларына къаршы лаф этип башладылар.

Нун огълу Ехошуа 9:18 ပူးပေါင်းရင်းမြစ်များ

2 Падишалар 21:7

Лякин Шаулнынъ огълу Ёнатангъа РАББИ Адынен ант эткени ичюн, Давут падиша Шаулнынъ торуны, Ёнатаннынъ огълу Мефивошетни аджып, оны бермеди.

Зебур 15:4

Башкъа аллаларгъа инангъанларнынъ дертлери чокълашсын! Олар къан тёкип, ичерлик бахшышларыны кетирелер; мен исе буны япмам, агъзымдан оларнынъ адлары биле чыкъмаз.

Джемаат башы 5:2

Чокъ къасевет олгъан ерде тюшлер келе. Чокъ лаф да бойле этип ахмакълыкъ догъура.

Джемаат башы 5:6

Чокъ лафта да, чокъ тюшлерде де – бошлукъ. Сен исе Алладан къоркъ!

Джемаат башы 9:2

Эр кеснинъ: инсафлынынъ ве инсафсызнынъ, яхшы, элял ве арам олгъаннынъ, къурбан чалгъан ве къурбан чалмагъаннынъ башына тюшеджеги бирдир. Догъру яшагъангъа гунакяр олгъангъа киби олур. Емин эткен ве еминден къоркъкъаннынъ оладжагъы бир.

Сайылар 30:3

Эгер бир кимсе РАББИге адакъ берсе я да озюни сёзнен багъласа, берген сёзюни бозмасын, агъзындан эр чыкъкъан лафны ерине кетирсин.

Къануннынъ текрары 23:22

Эгер адакъ бермеген олсанъ, башынъа гуна олмаз.

Къануннынъ текрары 23:23

Агъзынъдан чыкъкъан эр бир лафынъа бакъ; Алланъ олгъан РАББИге озь истегинънен, озь агъзынънен адагъан шейни ерине кетир.

Къануннынъ текрары 23:24

Башкъа адамнынъ юзюмлигине кирип, юзюмни джанынъ истегенинъ къадар ашамакъ мумкюнсинъ, савутынъны исе толдурма.

Нун огълу Ехошуа 9:17

Исраиллилер ёлгъа чыкъып, учюнджи куню хивлилернинъ шеэрлери Гивон, Кефира, Беэрот ве Кирьят-Ярим янына кельдилер.

Нун огълу Ехошуа 9:19

Башлыкъларнынъ эписи исе халкъкъа: – Биз оларгъа Исраильнинъ Алласы олгъан РАББИнинъ огюнде ант эттик, онынъ ичюн биз оларгъа тийип оламаймыз.