Нун огълу Ехошуа 9:15 - Мукъаддес Китап

¹⁵ Ехошуа оларнен барышыкъ шартнамесини тизди, оларны сагъ-селямет къалдыраджагъында сёз берди. Джемаатнынъ башлыкълары да бунъа емин эттилер.

Нун огълу Ехошуа 9:15 ပူးပေါင်းရင်းမြစ်များ

2 Падишалар 21:2

Шу вакъыт падиша, гивонлыларны чагъыртып, оларнен лакъырды этти. Гивонлылар Исраиль къабилесинден дегиль, олар амморлылардан къалгъан эдилер. Исраиллилер оларгъа, ярамайлыкъ япмамыз, деп, сёз берген эдилер, амма Шаул оларны, Исраиль ве Ехуда несилине куньлеп, ёкъ этмеге истеди.

Чыкъыш 23:32

Не оларнен, не аллаларынен анълашма тизменъиз.

Нун огълу Ехошуа 10:1

Бойле этип, Ехошуа Ай шеэрини запт этип бутюнлей ёкъ этти, Ерихон ве онынъ падишасынен япкъан шейлерни Ай шеэрине ве онынъ падишасына да япты. Гивон адамлары исе исраиллилернен барышыкъ шартнамесини тизип, оларнынъ араларында яшап къалдылар. Ерусалим падишасы Адоний-Цедек буларнынъ эписини эшитти.

Нун огълу Ехошуа 10:4

– Манъа келип, Гивон шеэрини запт этмеге ярдым этинъиз, чюнки о, Ехошуа ве Исраиль огъулларынен барышыкъ шартнамесини тизди.

Нун огълу Ехошуа 11:19

Гивон сакинлери олгъан хивлилерден гъайры, бир шеэр Исраиль огъулларынен барышыкъ шартнамесини тизмеди. Исраиллилер эписини дженк этип алдылар.

Нун огълу Ехошуа 9:16

Барышыкъ шартнамесини тизгенден сонъ учь кунь кечкенинен, исраиллилер о адамлар янларында яшагъан къомшулары олгъаныны эшиттилер.