Нун огълу Ехошуа 8:31 - Мукъаддес Китап

³¹ буны РАББИнинъ къулу олгъан Муса Исраиль огъулларына буюргъанына коре япты. Муса Теврат китабында язгъанына коре, къурбан ери демир тиймеген бутюн ташлардан къуруладжакъ эди. Онынъ устюнде РАББИге бутюнлей якъыладжакъ къурбанларны ве аманлыкъ къурбанларыны кетирдилер.

Нун огълу Ехошуа 8:31 ပူးပေါင်းရင်းမြစ်များ

4 Падишалар 14:6

Лякин ольдюргенлернинъ балаларыны ольдюрмеди, чюнки Мусанынъ Къанун Китабында РАББИ шойле буюргъандыр: «Бабалар балалары ичюн олюм джезасыны корьмесинлер, ве балалар да бабалары ичюн олюм джезасыны корьмесинлер. Эр кес озь гунасы ичюн олюмнен джезалансын».

4 Падишалар 22:8

Руханийлернинъ башлыгъы Хилкия языджы Шафангъа: – РАББИнинъ Сарайында Къанун Китабыны таптым, – деди де, китапны Шафангъа берди. Шафан китапны окъуды.

2 Тарих вакъиалары 25:4

Лякин оларнынъ балаларыны ольдюрмеди, чюнки Мусанынъ Къанун Китабында РАББИ шойле буюргъандыр: «Бабалар озь балалары ичюн ольмесинлер, балалар да озь бабалары ичюн ольмесинлер, амма эр кес озь гунасы ичюн оледжек».

2 Тарих вакъиалары 35:12

Бутюнлей якъыладжакъ къурбанларны бир четке къойдылар, оларны болюклерге коре халкъкъа, бабаларнынъ сойларына береджек ве РАББИге къурбан кетиреджек эдилер. Буны Мусанынъ китабында язылгъанларына коре яптылар. Туварларнен де ойле яптылар.

Узеир 6:18

Сонъра Мусанынъ китабында язылгъанына коре, руханийлерни болюклерине коре ве левийлилерни невбетлерине коре Ерусалимде Аллагъа хызмет этмеге къойдылар.

Нехемья 13:1

Шу куню халкъкъа сес чыкъарып Мусанынъ Китабы окъулды, ве онда аммонлылар ве моавлылар ич бир вакъыт Алланынъ джемаатына кирип оламайджагъы акъкъында язылгъаны ачылды.

Чыкъыш 18:12

Сонъ Мусанынъ къайнатасы Йитро Аллагъа бутюнлей якъылгъан ве башкъа къурбанлар чалды. Алланынъ огюнде Мусанынъ къайнатасынен берабер аш ашамакъ ичюн, Харун ве Исраильнинъ акъсакъаллары кельдилер.

Чыкъыш 24:5

Сонъ исраилли огъланларгъа, РАББИге бутюнлей якъылгъан къурбанларыны чалмагъа ве таналарны сойып аманлыкъ къурбанларыны чалмагъа эмир этти.

Матта 12:26

Эгер Шейтан Шейтанны къувып чыкъарса, о болюнип озь озюнен дженклеше. Сонъ онынъ падишалыгъы насыл тураджакъ?

Къануннынъ текрары 27:2

Алланъыз олгъан РАББИ сизге береджек топракъкъа, Иордан озенининъ башкъа тарафына кечкен куню озюнъе балабан ташлар къойып, устьлерини киречнен сыла.

Къануннынъ текрары 27:8

Ташлар устюнде бу Къанун сёзлерини ачыкъ ве окъунакълы яз.

Нун огълу Ехошуа 1:8

Бу Теврат китабынынъ сёзлери даима агъзынъда олсун. Бу китапны гедже-куньдюз огрен ве анда язылгъаннынъ эписини тыпкъы-тыпкъына беджер. Сонъ ишлеринъ онъундан келир, ве эр ишке акъылнен янашарсынъ.