Нун огълу Ехошуа 8:29 - Мукъаддес Китап

²⁹ Ай падишасыны терекке астылар, ве о, анда акъшамгъадже къалды. Кунь баткъан сонъ исе, Ехошуанынъ эмиринен олюни теректен тюшюрип, шеэр къапулары янына аттылар, ве устюне бир оба таш обаладылар. О, бу куньге къадар сакъланып къалды.

Нун огълу Ехошуа 8:29 ပူးပေါင်းရင်းမြစ်များ

2 Падишалар 18:17

Авишаломны алып, дагъдаки терен чукъургъа аттылар, устюни бир оба ташнен къапаттылар. Бутюн исраиллилер исе эр кес озь чадырына къачты.

Эстер 7:10

Бойледже, Хаманны дирекке астылар. Хаман исе оны Мордекъайгъа азырлагъан эди. Сонъ падишанынъ гъазабы ятышты.

Зебур 110:5

Ондан къоркъкъанларгъа аш берер, Озь васиетини эбедиен эсинде тутар.

Юхан 19:31

О куню – азырланув куню, раатлыкъ кунюнинъ арфеси эди. Беденлер хачларда раатлыкъ кунюнде, хусусий буюк бир байрам кунюнде къалмасынлар деп, еудийлер Пилаттан, хачкъа мыхлангъан адамларнынъ балдырларыны сындырып, беденлерини хачлардан аладжакъларыны истедилер.

Фаалиет 12:23

Шу ань Иродны Раббининъ мелеги урды. Ирод шерефини Аллагъа бермегени ичюн, тенини къуртлар кемирди, ве о, джан берди.

Нун огълу Ехошуа 10:30

РАББИ о шеэрни ве онынъ падишасыны да исраиллилернинъ къолларына берди. О, оларны къылычнен ольдюрди, эр бир тири джанны къырып ташлады. Кимсени сагъ къалдырмады. Ехошуа Ерихон падишасынен япкъан шейни Ливнанынъ падишасына да япты.

Нун огълу Ехошуа 10:33

О вакъыт Гезер падишасы Хорам Лакиш шеэрине ярдым этмек ичюн кельди, лякин Ехошуа оны да, халкъыны да къылычнен ольдюрди, кимсени сагъ къалдырмады.

Нун огълу Ехошуа 12:9

бир Ерихон падишасы, Бет-Эль янында олгъан бир Ай падишасы,

Нун огълу Ехошуа 7:26

Акъаннынъ устюне атып буюк таш обасыны обаладылар. Оба бу куньге къадар сакъланып къалды. Бундан сонъ РАББИнинъ гъазабы ятышты. О ер бу куньге къадар Акъор вадийи деп адлана.

Нун огълу Ехошуа 8:23

Ай падишасыны исе тири тутып, Ехошуагъа кетирдилер.