Нун огълу Ехошуа 8:22 - Мукъаддес Китап

²² Шеэрни запт эткен аскерлер оларгъа къаршы шеэрден чыкътылар ве, бойлеликнен, Ай аскерлери исраиллилернинъ ортасында къалдылар. Исраиллилер оларны ольдюрип башладылар ве бирини сагъ къалдырмадылар. Ич бир адам не де сагъ къалды, не де къачты.

Нун огълу Ехошуа 8:22 ပူးပေါင်းရင်းမြစ်များ

Эюп акъкъында китап 20:5

яман адамларнынъ шенълиги къыскъадыр, алласызларнынъ къуванчы бир аньдир.

Къануннынъ текрары 7:2

оларны сенинъ къолунъа бергенинен ве сен оларгъа уджюм эткенинънен, оларны айырып, бутюнлей ёкъ эт. Оларнен анълашма тизме ве мераметли олма.

1 Тессалоникелилерге 5:3

Адамлар: «Тынчлыкъ-аманлыкъ ве хавфсызлыкъ», – деп юргенде, о вакъыт олюм оларгъа апансыздан, догъаджакъ къадынгъа агъры киби, келеджек, ве олар ондан къачып кетмейджеклер.

Нун огълу Ехошуа 10:28

О куню де Ехошуа Маккеда шеэрини запт этти. Ехошуа о шеэрни, шеэрнинъ падишасыны ве эр бир тири джанны бутюнлей ёкъ этти. Кимсени сагъ къалдырмады. Ехошуа Ерихон падишасынен япкъан шейни Маккеда падишасына да япты.

Нун огълу Ехошуа 6:21

Топракъны козеткен эки огълангъа исе Ехошуа: – Анавы ороспунынъ эвине барып, онъа емин эткенинъиз киби, оны ве онен берабер олгъанларны алып чыкъынъыз, – деди.

Нун огълу Ехошуа 8:21

Ехошуа ве бутюн Исраиль, сакълы ерде отургъан аскерлер шеэрни алгъанларыны ве шеэрден тютюн кокке котерильгенини корип, артларына къайттылар ве Ай шеэрининъ аскерлерини ольдюрип башладылар.

Нун огълу Ехошуа 8:23

Ай падишасыны исе тири тутып, Ехошуагъа кетирдилер.

Нун огълу Ехошуа 8:8

Шеэрни алгъан сонъ, РАББИ айткъаны дайын, оны якъынъыз. Бакъынъыз, буюргъаным киби япынъыз.