Нун огълу Ехошуа 8:2 - Мукъаддес Китап

² Ерихонгъа ве онынъ падишасына сен япкъан шейни Ай шеэрине ве онынъ падишасына да яп. Тек запт этильген малны ве сиз алгъан туварларны озьара пай этинъиз. Шеэрнинъ артында сакъланып, анда азыр олунъыз.

Нун огълу Ехошуа 8:2 ပူးပေါင်းရင်းမြစ်များ

2 Тарих вакъиалары 13:13

Лякин Еровоам оларнынъ аркъаларындан гизлиден бир отрядны ёллады. О, озю ехудалыларнынъ огюнде эди, отряд исе артында эди.

2 Тарих вакъиалары 20:22

Олар къуванчнен къычырып ве макътав йырларыны йырлап башлагъанда, РАББИни шуретлеп, тюркюлер йырлап башлагъанда, РАББИ Ехудагъа къаршы чыкъкъан аммонлылар, моавлылар ве Сеир дагъындан олгъан халкънынъ арасына къавгъа ёллады, ве олар енъильдилер.

Зебур 39:6

Я РАББИ, Аллам, Сен чокъ ишлер яптынъ! Санъа ошагъаны ёкъ! Аджайип шейлеринъни ве биз ичюн олгъан ниетлеринъни бильдирмеге истер эдим мен, лякин оларнынъ сайысы ёкъ!

Икметли сёзлер 13:22

Яхшы адам торунларына къадар мирас къалдыра, гунакярнынъ байлыгъы исе инсафлы адамлар ичюн сакъланып тутула.

Икметли сёзлер 28:20

Садыкъ адам чокъ бахшыш алыр, бай олмагъа ашыкъкъан исе белядан къуртулмаз.

Йирмея 17:11

Йымырталар устюнде отургъан, амма чипче чыкъармагъан кеклик киби, байлыгъыны акъсыз къазангъан адам да ойледир. Омюрининъ ортасында байлыгъыны джояджакъ, сонъунда ахмакъ олып чыкъар.

Йирмея 51:12

Вавилон диварларынынъ къаршысында байракъ котеринъиз, сакъчыларны къавийлештиринъиз, къаравулларны ерлештиринъиз, къапкъанларны азырланъыз. РАББИ Вавилоннынъ халкъы акъкъында не айткъан олса, тюшюнгенини ерине кетирир.

Къануннынъ текрары 2:35

Ялынъыз озьлеримизге туварларны ве биз запт эткен шеэрлерден гъаниметни алдыкъ.

Къануннынъ текрары 20:14

Лякин апайлары, балалары, туварлары, шеэрде олгъан эр шей, – шеэрнинъ бутюн мал-мулькю сенинъ оладжакъ. Алланъ олгъан РАББИ къолунъа береджек душманларынынъ гъаниметинен файдалан.

Къануннынъ текрары 3:2

РАББИ манъа: «Ондан къоркъма, чюнки Мен оны, бутюн ордусыны ве топрагъыны энди сенинъ къолунъа бердим. Хешбонда яшагъан аморлыларнынъ падишасы Сихонгъа не япкъан олсанъ, айны шу шейни Оггъа да япаджакъсынъ», – деди.

Нун огълу Ехошуа 10:1

Бойле этип, Ехошуа Ай шеэрини запт этип бутюнлей ёкъ этти, Ерихон ве онынъ падишасынен япкъан шейлерни Ай шеэрине ве онынъ падишасына да япты. Гивон адамлары исе исраиллилернен барышыкъ шартнамесини тизип, оларнынъ араларында яшап къалдылар. Ерусалим падишасы Адоний-Цедек буларнынъ эписини эшитти.

Нун огълу Ехошуа 10:28

О куню де Ехошуа Маккеда шеэрини запт этти. Ехошуа о шеэрни, шеэрнинъ падишасыны ве эр бир тири джанны бутюнлей ёкъ этти. Кимсени сагъ къалдырмады. Ехошуа Ерихон падишасынен япкъан шейни Маккеда падишасына да япты.

Нун огълу Ехошуа 11:14

Бу шеэрлернинъ гъаниметини ве айванларыны Исраиль огъуллары озьлерине алдылар, эписи адамларыны къылычнен урып ольдюрдилер. Бир тири джанны къалдырмайып, эписини ольдюрип ташладылар.

Нун огълу Ехошуа 6:21

Топракъны козеткен эки огълангъа исе Ехошуа: – Анавы ороспунынъ эвине барып, онъа емин эткенинъиз киби, оны ве онен берабер олгъанларны алып чыкъынъыз, – деди.

Нун огълу Ехошуа 8:12

Ехошуа ордусыны Ай шеэрининъ шималь тарафында ерлештирди. Орду ве Ай шеэри арасында вадий бар эди. Сонъ Ехошуа 5 000 къадар адам алып, оларны Бет-Эль ве Ай шеэри арасында, Ай шеэрининъ гъарбий тарафында, гизли ерде ерлештирди.

Нун огълу Ехошуа 8:14

Ай падишасы эписини корьди ве ашыкъып, саба эрте турып, шеэр аскерлеринен берабер Исраильнен дженк этмек ичюн, оларгъа къаршы чыкътылар. О, озь халкъынен берабер Аравадаки дженк мейданына чыкъты. Шеэрнинъ артында сакълангъан аскерлер акъкъында исе Ай падишасынынъ хабери ёкъ эди.

Нун огълу Ехошуа 8:19

Къолуны узаткъанынен, сакълы ерде отургъан аскерлер аман ерлеринден турып, шеэрге чапып кирдилер ве оны запт этип, атеште якътылар.

Нун огълу Ехошуа 8:24

Исраиллилер Ай аскерлерининъ эписини тарлада ве чёльде, олар исраиллилерни къувалагъан ерлерде урып ольдюрдилер. Олар эписи къылычнен ольдюрильген эдилер, ич бири сагъ къалмады. Сонъ исраиллилернинъ эписи Ай шеэрине къайтты ве андаки адамларны къылычнен урып ольдюрдилер.

Нун огълу Ехошуа 8:3

Ехошуа ве дженкке ярагъан бутюн халкъ Айгъа кетмек ичюн азырландылар. Ехошуа 30 000 джесюр аскерни сайлап алды ве оларны геджесинен ёллап:

Нун огълу Ехошуа 8:7

сиз сакълангъан еринъизден чыкъып, шеэрни запт этинъиз. Алланъыз олгъан РАББИ оны къолунъызгъа берер.

Нун огълу Ехошуа 8:8

Шеэрни алгъан сонъ, РАББИ айткъаны дайын, оны якъынъыз. Бакъынъыз, буюргъаным киби япынъыз.

Нун огълу Ехошуа 8:9

Бойлеликнен, Ехошуа оларны ёллады, ве олар сакъланып, Бет-Эль ве Ай арасында, Ай шеэрининъ гъарбий тарафында ерлештилер. Ехошуа исе о геджеси халкънен геджеледи.

Нун огълу Ехошуа 9:3

Лякин Гивоннынъ адамлары, Ехошуа Ай ве Ерихон шеэрлеринен нелер япкъаныны эшитип,