Нун огълу Ехошуа 8:19 - Мукъаддес Китап

¹⁹ Къолуны узаткъанынен, сакълы ерде отургъан аскерлер аман ерлеринден турып, шеэрге чапып кирдилер ве оны запт этип, атеште якътылар.

Нун огълу Ехошуа 8:19 ပူးပေါင်းရင်းမြစ်များ

Нун огълу Ехошуа 8:18

О заман РАББИ Ехошуагъа: – Къолунъдаки мызрагъынъны Ай шеэри тарафына узат. Мен оны сенинъ къолунъа береджегим, – деди. Ехошуа къолундаки мызрагъыны шеэрге тараф узатты.

Нун огълу Ехошуа 8:2

Ерихонгъа ве онынъ падишасына сен япкъан шейни Ай шеэрине ве онынъ падишасына да яп. Тек запт этильген малны ве сиз алгъан туварларны озьара пай этинъиз. Шеэрнинъ артында сакъланып, анда азыр олунъыз.

Нун огълу Ехошуа 8:20

Ай аскерлери артларына айланып бакъкъанларында, шеэрден чыкъкъан думан кокке котерильгенини корьдилер. Олардан чёльге къачкъан исраиллилер энди оларны къуваламакъ ичюн артларына айландылар, лякин оларгъа къачмакъ ичюн не огге, не арткъа чареси ёкъ эди.

Къадылар 20:33

Исраиллилернинъ бутюн ордусы еринден кочип, Баал-Тамар янында сыраландылар. Гиванынъ гъарбында сакъланып отургъан болюк исе еринден турды.

Къадылар 20:37

Шимди бу аскерлер сакълангъан ерлеринден Гивагъа таба ашыкъып кельдилер, шеэрге атылып, ичине кирдилер ве анда эр кесни къылычнен ольдюрдилер.