Нун огълу Ехошуа 8:17 - Мукъаддес Китап

¹⁷ Ай ве Бет-Эль шеэрлеринде исраиллилернинъ артындан къуваламагъан бир адам къалмады. Исраильни къувалап, олар шеэр къапуларыны ачыкъ къалдырдылар.

Нун огълу Ехошуа 8:17 ပူးပေါင်းရင်းမြစ်များ

Эюп акъкъында китап 5:13

О, акъыллы адамларны оларнынъ айнеджилигинен тутып алыр, яланджыларнынъ планлары да бошуна олур.

Къануннынъ текрары 2:30

Лякин Хешбон падишасы Сихон бизге озь топрагъындан кечмек ичюн разылыкъ бермеди. Алланъ олгъан РАББИ рухуны исрар, юрегини инат эткен. РАББИ оны сенинъ къолунъа бермеге ниет эте эди. Шуны да япты.

Нун огълу Ехошуа 11:20

Олар Исраильнен дженк этсинлер деп, РАББИ Озю оларнынъ юреклерини къаттырды. РАББИ Мусагъа буюргъаны киби, оларны аджымайып ольдюрип ташламакъ, бутюнлей ёкъ этмек керек эди.

Нун огълу Ехошуа 8:16

Исраиллилерни къуваламакъ ичюн, Ай аскерлери шеэрде олгъан бутюн халкъны чагъырдылар ве Ехошуаны къувалагъанларында, шеэрден узакълаштылар.

Нун огълу Ехошуа 8:18

О заман РАББИ Ехошуагъа: – Къолунъдаки мызрагъынъны Ай шеэри тарафына узат. Мен оны сенинъ къолунъа береджегим, – деди. Ехошуа къолундаки мызрагъыны шеэрге тараф узатты.

Нун огълу Ехошуа 8:3

Ехошуа ве дженкке ярагъан бутюн халкъ Айгъа кетмек ичюн азырландылар. Ехошуа 30 000 джесюр аскерни сайлап алды ве оларны геджесинен ёллап:

Къадылар 20:31

Биньямин аскерлери исраилли ордусына атылдылар ве шеэринден узакълаштылар. Олар, эвель япкъаны киби, исраиллилерни эки ёлда ольдюрип башладылар: Бет-Эль ёлунда ве Гиванынъ тарла ёлунда оларнынъ артындан къуваладылар, отузгъа якъын исраиллини ольдюрдилер.