Нун огълу Ехошуа 8:14 - Мукъаддес Китап

¹⁴ Ай падишасы эписини корьди ве ашыкъып, саба эрте турып, шеэр аскерлеринен берабер Исраильнен дженк этмек ичюн, оларгъа къаршы чыкътылар. О, озь халкъынен берабер Аравадаки дженк мейданына чыкъты. Шеэрнинъ артында сакълангъан аскерлер акъкъында исе Ай падишасынынъ хабери ёкъ эди.

Нун огълу Ехошуа 8:14 ပူးပေါင်းရင်းမြစ်များ

Джемаат башы 9:12

Адам озь вакъты-саатини бильмез. Балыкъ ольдюриджи авгъа, къуш да тузакъкъа тюшкени дайын, инсан огъуллары да, фелякет вакъты апансыздан башларына тюшкенде, онынъ къолуна тюшелер.

Ешая 19:11

Цоан башлыкълары не къадар акъылсыз! Фыравуннынъ акъыллы насиатчылары акъылсыз меслеат берелер. Сизлер фыравунгъа: «Мен икметли адамларнынъ огълу, къадим падишаларынынъ огълудырым», – насыл этип, дейджексинъизми?

Ешая 19:13

Цоан башлыкълары акъылдан тайды, Ноф башлыкълары алданды, къабилелерининъ ёлбашчылары Мысырны ёлдан урдылар.

Даниял 4:31

О куньлер кечкен сонъ исе, мен, Невукъаднеццар, кокке бакътым, ве меним акъыл-идрагъым озюме къайтты. Мен Алла-Таалягъа шукюрлер эттим. Эбедий Яшагъанны урьмет эттим ве Оны намлы сайдым. Онынъ акимдарлыгъы эбедиендир, Онынъ падишалыгъы несильден несильге кече.

Матта 24:39

Сув ташкъыны келип, эр кесни ёкъ этмегендже, асыл да тюшюнмей эдилер. Инсан Огълу келеджек кунюнде тамам ойле де оладжакъ.

Матта 24:50

о къулнынъ эфендиси бекленильмеген бир куньде, тюшюнмеген бир саатте къайтып келир

Къануннынъ текрары 1:1

Иордан озенини кечмезден эвель, Муса Аравадаки сахрада, Къызыл денъиз янында, Паран ве Тофел, Лаван, Хацерот ве Ди-Захав ерлеринде бутюн Исраильге мына бу сёзлерни айтты.

Нун огълу Ехошуа 8:13

Халкънынъ бутюн ордусы шеэрнинъ шималь тарафында ерлешкен эди, ордунынъ сакълангъан аскерлери исе шеэрнинъ гъарбий тарафында эдилер. Шу геджеси Ехошуа вадийнинъ ортасына кельди.

Нун огълу Ехошуа 8:15

Ехошуа ве Исраиль, енъильгенлер киби, чёльге тараф чапып кеттилер.

Нун огълу Ехошуа 8:16

Исраиллилерни къуваламакъ ичюн, Ай аскерлери шеэрде олгъан бутюн халкъны чагъырдылар ве Ехошуаны къувалагъанларында, шеэрден узакълаштылар.

Нун огълу Ехошуа 8:5

– Мен халкънен берабер исе шеэрнинъ янына барарым да, олар бизге къаршы чыкъкъанларында, биз, эвель киби, олардан къачармыз.

2 Пётр 2:3

Олар къызгъанчлы олгъанындан, ялтакъ сёзлернен сизни къапкъангъа тутаджакълар, амма оларнынъ джезасы чокътан берли азыр тура, оларнынъ олюми де кеч къалмаз.

Къадылар 20:37

Шимди бу аскерлер сакълангъан ерлеринден Гивагъа таба ашыкъып кельдилер, шеэрге атылып, ичине кирдилер ве анда эр кесни къылычнен ольдюрдилер.