Нун огълу Ехошуа 8:10 - Мукъаддес Китап

¹⁰ Ехошуа саба эрте турып, халкъны козьден кечирди ве Исраиль акъсакъалларынен берабер халкънынъ огюнде Ай шеэрине тараф ёл алды.

Нун огълу Ехошуа 8:10 ပူးပေါင်းရင်းမြစ်များ

Башланув 22:3

Ибраим саба эрте турды, эшегини екти, янына эки хызметчи огъланыны ве озь огълу Исхакъны алды. Чалынаджакъ къурбанны бутюнлей якъмакъ ичюн одун парлап, онъа Алла айткъан ерге ёл алды.

Нун огълу Ехошуа 3:1

Саба танъда Ехошуа исраиллилернен берабер Шиттим шеэринден ёлгъа чыкъып, Иордан янына кельдилер. Озенден кечмейип, Ехошуа ве эписи исраиллилер анда ерлештилер.

Нун огълу Ехошуа 6:12

Къой бойнузындан ясалгъан еди бору алгъан еди руханий РАББИнинъ Сандыгъы огюнден кетип, бору чала эдилер. Аскерлер оларнынъ оглеринден кете эдилер, арттакилер Сандыкънынъ артындан кете эдилер. Кеткенлеринде, бору чала эдилер.

Нун огълу Ехошуа 7:16

Ехошуа саба эрте турып, Исраильге онынъ янына къабиле-къабиле кельмеге буюрды, ве Ехуданынъ къабилеси косьтерильди.

Нун огълу Ехошуа 8:11

Онынъ янында бутюн дженклешмеге ярагъан халкъ шеэрге якъынлашып кельди.

Нун огълу Ехошуа 8:9

Бойлеликнен, Ехошуа оларны ёллады, ве олар сакъланып, Бет-Эль ве Ай арасында, Ай шеэрининъ гъарбий тарафында ерлештилер. Ехошуа исе о геджеси халкънен геджеледи.