Нун огълу Ехошуа 7:16 - Мукъаддес Китап

¹⁶ Ехошуа саба эрте турып, Исраильге онынъ янына къабиле-къабиле кельмеге буюрды, ве Ехуданынъ къабилеси косьтерильди.

Нун огълу Ехошуа 7:16 ပူးပေါင်းရင်းမြစ်များ

Башланув 22:3

Ибраим саба эрте турды, эшегини екти, янына эки хызметчи огъланыны ве озь огълу Исхакъны алды. Чалынаджакъ къурбанны бутюнлей якъмакъ ичюн одун парлап, онъа Алла айткъан ерге ёл алды.

Джемаат башы 9:10

Къолунъдан эписи кельгенлеринъни бутюн кучь-къуветинъе коре яп, чюнки сен кетеджек олюлернинъ дюньясында не иш, не макъсат, не бильги, не де икмет бар.

Нун огълу Ехошуа 3:1

Саба танъда Ехошуа исраиллилернен берабер Шиттим шеэринден ёлгъа чыкъып, Иордан янына кельдилер. Озенден кечмейип, Ехошуа ве эписи исраиллилер анда ерлештилер.

Нун огълу Ехошуа 7:15

Ёкъ этиледжек шейни хырсызлагъан адамны эписи олгъанларынен берабер атеште якъынъыз, чюнки о, РАББИнинъ васиетини бозып, Исраильнинъ арасында акъылсыз шей этти».

Нун огълу Ехошуа 7:17

Сонъ Ехуданынъ сойларына кельмеге буюрды, ве Зерахнынъ сою косьтерильди. Сонъ Зерахнынъ союна къоранта-къоранта кельмеге буюрды, ве Завдийнинъ къорантасы косьтерильди.

Къадылар 20:19

Саба исраиллилер Гиванынъ якъынларында ерлештилер.