Нун огълу Ехошуа 6:6 - Мукъаддес Китап

⁶ Халкъкъа Ехошуа: – Барынъыз, шеэрни айланынъыз. Силялангъан сойларынъыз РАББИнинъ Сандыгъы огюнде кетсинлер, – деди.

Нун огълу Ехошуа 6:6 ပူးပေါင်းရင်းမြစ်များ

Чыкъыш 25:14

Сырыкъларны, оларнынъ ярдымынен Сандыкъны ташымакъ ичюн, онынъ четлеринден, алкъалардан кечир.

Фаалиет 9:1

‌Саул, Раббининъ шегиртлерине олюм джезасыны истеп, ачувнен нефес алып эп юре эди. Баш руханийнинъ алдына барып,

Нун огълу Ехошуа 24:11

Сиз Иорданнынъ башкъа тарафына кечип, Ерихон шеэрине кельдинъиз. Сизлерге къаршы Ерихоннынъ сакинлери, аморлылар, перизлилер, ханаанлылар, хитлилер, гиргашлылар, хивлилер ве евуслылар дженк этип башладылар, лякин Мен оларнынъ эписини сизинъ къолларынъызгъа бердим.

Нун огълу Ехошуа 3:3

халкъкъа: – Алланъыз олгъан РАББИнинъ Васиет Сандыгъыны ве оны ташыгъан левийли руханийлерни корьгенде, ерлеринъизден турып, оларнынъ артларындан кетинъиз, – деп буюрдылар.

Нун огълу Ехошуа 3:6

Руханийлерге: – Васиет Сандыгъыны алып, халкънынъ огюнден кетинъиз, – деди. Олар Сандыкъны алып, халкънынъ огюнден кеттилер.

Нун огълу Ехошуа 6:13

Бойлеликнен, экинджи куню де, шеэрни бир кере айланып, ордугъа къайттылар. Олар алты кунь бойле эттилер.

Нун огълу Ехошуа 6:5

Нун огълу Ехошуа руханийлерни чагъыртып, оларгъа: – Васиет Сандыгъыны алып кетинъиз. Еди руханий, къой бойнузындан ясалгъан еди боруны алып, РАББИнинъ Сандыгъы огюнде кетсинлер, – деди.

Нун огълу Ехошуа 6:7

Ехошуа буны халкъкъа айткъан сонъ, къой бойнузындан ясалгъан еди бору алгъан еди руханий РАББИнинъ Сандыгъы огюнде кетип, бору чала эдилер. РАББИнинъ Васиет Сандыгъы артларындан кете эди.

Нун огълу Ехошуа 6:8

Бору чалгъан руханийлернинъ огюнден силялангъан аскерлер кете эдилер, арттакилер Сандыкънынъ артындан кете эдилер. Борулар бутюн ёл бою токътамай чала эдилер.

1 Падишалар 4:3

Аскерлер ордугъа къайтып, Исраиль акъсакъаллары: – РАББИ бугунь бизни фелестинлилерге не ичюн енъдирди? Шилодан озюмизге РАББИнинъ Васиет Сандыгъыны алайыкъ да, о бизнен олсун ве душманларымызнынъ къолундан къуртарсын, – дедилер.