Нун огълу Ехошуа 6:21 - Мукъаддес Китап

²¹ Топракъны козеткен эки огълангъа исе Ехошуа: – Анавы ороспунынъ эвине барып, онъа емин эткенинъиз киби, оны ве онен берабер олгъанларны алып чыкъынъыз, – деди.

Нун огълу Ехошуа 6:21 ပူးပေါင်းရင်းမြစ်များ

3 Падишалар 20:42

Пейгъамбер онъа: – РАББИ бойле дей: «Мен олюмге махкюм эткен адамны азат эткенинъ ичюн, сенинъ джанынъ онынъ джаны ерине алынаджакъ, сенинъ халкъынъ онынъ халкъы ерине къыйналаджакъ», – деди.

Йирмея 48:18

Эй, Дивон шеэринде яшагъан къыз! Шуретли еринъден тюш, къуру топракъ устюнде отур; Моавны ёкъ этиджи санъа келеджек, къалелеринъни йыкъаджакъ.

Къануннынъ текрары 13:16

Бутюн запт этильген мал-мулькюни мейданнынъ ортасына джый да, шеэрни ве бутюн гъаниметини толусынен Алланъ олгъан РАББИ ичюн атешнен якъ. Шеэр эбедиен виране олсун, оны ич бир заман янъыдан къурмасынлар.

Къануннынъ текрары 2:34

О заман биз онынъ эписи шеэрлерини запт этип, шеэрлерини, акъайларыны, къадынларыны ве балаларыны Аллагъа берип, бутюнлей ёкъ эттик. Кимсени сагъ къалдырмадыкъ.

Къануннынъ текрары 7:16

Сен, Алланъ олгъан РАББИ сизге береджек эписи халкъларны ёкъ этеджексинъ. Козьлеринъ оларны аджымасын. Оларнынъ аллаларына хызмет этме, чюнки бу сен ичюн къапкъандыр.

Нун огълу Ехошуа 10:28

О куню де Ехошуа Маккеда шеэрини запт этти. Ехошуа о шеэрни, шеэрнинъ падишасыны ве эр бир тири джанны бутюнлей ёкъ этти. Кимсени сагъ къалдырмады. Ехошуа Ерихон падишасынен япкъан шейни Маккеда падишасына да япты.

Нун огълу Ехошуа 10:39

Оны ве эписи шеэрлерини запт этип, шеэрнинъ падишасыны ве шеэрлер сакинлерини къылычнен ольдюрди, андаки эр бир тири джанны бутюнлей ёкъ эттилер. Кимсени сагъ къалдырмадылар. Хевроннен ве Ливна ве онынъ падишасынен япкъан шейлерни Девир шеэрине ве онынъ падишасына да яптылар.

Нун огълу Ехошуа 11:11

Исраиллилер андаки эр бир тири джанны, ич бирини къалдырмайып къылычнен ольдюрип, бутюнлей ёкъ эттилер, Хацор шеэрини якъып ташладылар.

Нун огълу Ехошуа 11:14

Бу шеэрлернинъ гъаниметини ве айванларыны Исраиль огъуллары озьлерине алдылар, эписи адамларыны къылычнен урып ольдюрдилер. Бир тири джанны къалдырмайып, эписини ольдюрип ташладылар.

Нун огълу Ехошуа 8:2

Ерихонгъа ве онынъ падишасына сен япкъан шейни Ай шеэрине ве онынъ падишасына да яп. Тек запт этильген малны ве сиз алгъан туварларны озьара пай этинъиз. Шеэрнинъ артында сакъланып, анда азыр олунъыз.

Нун огълу Ехошуа 8:22

Шеэрни запт эткен аскерлер оларгъа къаршы шеэрден чыкътылар ве, бойлеликнен, Ай аскерлери исраиллилернинъ ортасында къалдылар. Исраиллилер оларны ольдюрип башладылар ве бирини сагъ къалдырмадылар. Ич бир адам не де сагъ къалды, не де къачты.

Нун огълу Ехошуа 9:3

Лякин Гивоннынъ адамлары, Ехошуа Ай ве Ерихон шеэрлеринен нелер япкъаныны эшитип,

Сырларнынъ ачылувы 18:21

Сонъ кучьлю бир мелек дегирмен ташына ошагъан буюк ташны котерип, денъизге атты ве бойле деди: – Буюк шеэр Вавилон бойле кучьнен атыладжакъ! Энди о асла олмайджакъ.

1 Падишалар 15:3

Энди бар да, амалеклилерге уджюм эт, онынъ эр бир шейини ёкъ эт. Оларны аджыма. Акъаймы, апаймы, генчми, къундакътаки баламы, бугъамы, къоймы, девеми, эшекми, – эписини ольдюр».

1 Падишалар 15:8

Амалеклилернинъ падишасы Агъагъны тирилейин тутты, лякин халкъыны къылычнен урып ольдюрди.