Нун огълу Ехошуа 5:2 - Мукъаддес Китап

² О заман РАББИ Ехошуагъа: – Чакъмакъташтан кескин пычакъ яп да, Исраиль огъулларыны экинджи кере сюннет эт, – деди.

Нун огълу Ехошуа 5:2 ပူးပေါင်းရင်းမြစ်များ

Чыкъыш 4:25

О заман Циппора, чакъмакътан япылгъан пычакъны алып, огълуны сюннет этти ве кесильген тери парчасыны Мусанынъ аякъларына тийип, онъа: – Сен меним къан киевимсинъ, – деди.

Римлилерге 2:29

Акъикъий еудий – юрегинден еудий олгъан адамдыр. Акъикъий сюннет – адамнынъ юрегиндедир. Бу, язылы Къануннынъ дегиль, Рухнынъ ишидир. Бойле адам адамларнынъ дегиль, Алланынъ макътавыны къазаныр.

Римлилерге 4:11

ве тек сонъра Ибраим сюннет олды, демек, инсафлыкъ бельгисини алды. Инсафлыгъы исе иманынен, сюннет олмагъан вакътында кельди. Бойле этип, Ибраим даа сюннет этильмеген, амма иман эткен эписининъ бабасы олды, ве Алла оларны да инсафлы деп сайды.

Къануннынъ текрары 10:16

Бойлеликнен, юреклеринъизни сюннет этинъиз, энъсеси къаткъан адамлар олманъыз.

Къануннынъ текрары 30:6

Алланъ олгъан РАББИ сенинъ ве эвлятларынънынъ юреклерини сюннет этеджек, ве сен Алланъ олгъан РАББИни джан-юректен севеджексинъ ве узун вакъыт яшайджакъсынъ.

Колоссайлыларгъа 2:11

Онда сизлер сюннет олдынъыз, амма сизлерни адамнынъ къоллары сюннет этмедилер, сизлер гуналы табиатынъыздан Месих сюннет эткенинен азат олдынъыз.

Нун огълу Ехошуа 5:3

Ехошуа озюне кескин пычакълар япып, Гивеат-Хааралот деген ерде Исраиль огъулларыны сюннет этти.