Нун огълу Ехошуа 3:8 - Мукъаддес Китап

⁸ Васиет Сандыгъыны ташыгъан руханийлерге буюр, олар Иордан озенининъ сувларына киргенинен, анда, Иорданнынъ сувунда токътасынлар.

Нун огълу Ехошуа 3:8 ပူးပေါင်းရင်းမြစ်များ

4 Падишалар 2:6

Ильяс Эль-Ясагъа: – Сен мында къал. Мени исе РАББИ Иордан озенининъ янына ёллай, – деди. Эль-Яса исе: – РАББИнинъ огюнде ве сенинъ огюнъде ант этем: мен сени бир озюнъни къалдырмам! – деди, ве олар экиси де кеттилер.

2 Тарих вакъиалары 29:15

Олар агъа-къардашларыны топладылар ве элялландылар ве падишанынъ буюргъанына ве РАББИнинъ сёзлерине коре, РАББИнинъ Сарайыны темизлемеге бардылар.

2 Тарих вакъиалары 29:27

Хизкия къурбан еринде бутюнлей якъыладжакъ къурбан кетирмеге буюрды. Къурбан янмагъа башлагъан вакъытта РАББИге йырлар да башланды, эм де боразанлар ве Исраиль падишасы Давутнынъ чалгъы алетлери де чалынды.

2 Тарих вакъиалары 29:30

Сонъ Хизкия падиша ве башлыкълар левийлилерге РАББИни Давутнынъ ве гизли шейлерни бильген Асафнынъ сёзлеринен макътамагъа буюрды. Олар да къуванчнен РАББИни макътадылар ве тиз чёкип, ергедже эгильдилер.

2 Тарих вакъиалары 30:12

Алланынъ къолу исе Ехуданынъ устюнде эди. РАББИнинъ сёзюне коре, падишанынъ ве башлыкъларнынъ буюргъаныны беджермек ичюн, О, оларгъа бирлик берди.

Нехемья 13:22

Раатлыкъ кунюни азизликнен тутмакъ ичюн, мен левийлилерге, олар эляллансынлар ве къапуларда къаравул оларакъ турсунлар, дедим. Аллам! Бу ишимни де акълынъда тут, Сенинъ буюк севгинъ ичюн мени аджы!

Нехемья 13:28

Баш руханий Эльяшивнинъ огълу Ёяданынъ бир огълу хоронлы Санбаллатнынъ киеви эди. Мен оны озюмден къувалап йибердим.

Чыкъыш 14:13

Амма Муса халкъкъа: – Къоркъманъыз. Къатты турунъыз. РАББИ бугунь сизни къуртаргъаныны корерсинъиз. Бугунь корьген мысырлыларны бир даа омюрбилля корьмезсинъиз.

Агълав йырлары 3:26

РАББИден сабырнен къуртулыш беклемек – яхшыдыр!

Нун огълу Ехошуа 3:17

Халкъ Ерихоннынъ къаршысында кечти. РАББИнинъ Васиет Сандыгъыны алып кеткен руханийлер Иорданнынъ ортасында къуру ерде къатты турып, эписи Исраиль огъуллары, бутюн халкъ Иордандан кечмегендже, къуру ерде турмакъта эдилер.

Нун огълу Ехошуа 3:3

халкъкъа: – Алланъыз олгъан РАББИнинъ Васиет Сандыгъыны ве оны ташыгъан левийли руханийлерни корьгенде, ерлеринъизден турып, оларнынъ артларындан кетинъиз, – деп буюрдылар.

Нун огълу Ехошуа 3:7

О заман РАББИ Ехошуагъа: – Бугунь Мен сени бутюн Исраильнинъ козю огюнде юксельтмеге башларым, – деди. – Сонъ олар, Мен Мусанен олгъаным дайын, сеннен оладжагъымны билирлер.

Нун огълу Ехошуа 3:9

Ехошуа Исраиль огъулларына: – Яныма келип, Алланъыз олгъан РАББИнинъ айткъанларыны динъленъиз, – деди.

Нун огълу Ехошуа 4:11

Бутюн халкъ кечкен сонъ, руханийлер де РАББИнинъ Сандыгъыны кечирдилер. Халкъ бунъа бакъа эди.