Нун огълу Ехошуа 3:15 - Мукъаддес Китап

¹⁵ Сандыкъны ташыгъан левийлилер Иордангъа киргенлеринен, Сандыкъны алып кеткен руханийлернинъ аякълары Иордан сувларына баскъанларынен, – Иордан озени исе богъдай орулгъан вакъытта толып-таша, –

Нун огълу Ехошуа 3:15 ပူးပေါင်းရင်းမြစ်များ

4 Падишалар 2:6

Ильяс Эль-Ясагъа: – Сен мында къал. Мени исе РАББИ Иордан озенининъ янына ёллай, – деди. Эль-Яса исе: – РАББИнинъ огюнде ве сенинъ огюнъде ант этем: мен сени бир озюнъни къалдырмам! – деди, ве олар экиси де кеттилер.

1 Тарих вакъиалары 12:15

Олар сененинъ биринджи айында ташкъын олгъан вакъытта Иордан озенини кечтилер ве вадийде шаркътан гъарпкъа яшагъанларны къуваладылар.

1 Тарих вакъиалары 12:16

Булардан гъайры, бир къач биньяминлилер ве ехудалылар да Давутнынъ пекитильген ерине кельдилер.

Ешая 26:6

Гъариплер шеэрни аякъларнен таптайлар, фукъарелер анда юрелер.

Йирмея 12:5

– Эгер сен джаяв кеткенлернен берабер чапып, ёрулсанъ, атлыларнен насыл ярышаджакъсынъ? Эгер тюм-тюз ерде йыкъылсанъ, Иордандаки чалыларда не япаджакъсынъ?

Йирмея 49:19

Иорданнынъ чалылыгъындан ешиль отлакъларгъа арслан чыкъкъаны киби, Мен де апансыздан оларгъа атылып, эдомлыларны къувалайджагъым, ёлбашчыларыны джезаларым. Манъа ошагъан ким бар? Менден ким сорап олур? Манъа къаршы тураджакъ ёлбашчы бармы?

Нахум 1:4

Денъизге эмир этсе, денъиз къуруй, бутюн озенлер къуруп кете, Башан ери ве Къармел дагълары сола, Ливаннынъ чечеклери ренкини джоя.

Нун огълу Ехошуа 3:13

Бутюн ер юзюнинъ Падишасы олгъан РАББИнинъ Сандыгъыны ташыгъан руханийлернинъ аякълары Иорданнынъ сувуна баскъанларынен, Иордан сувунынъ акъымы токътар, ашагъы акъкъан суву дивар киби турар.

Нун огълу Ехошуа 4:18

РАББИнинъ Васиет Сандыгъыны ташыгъан руханийлер Иордан озени ортасындан чыкъып, оларнынъ табанлары къуру ялыгъа баскъанларынен, Иорданнынъ сувлары озь ёлунен, тюневин ве обирскунь олгъаны дайын, бутюн ялыларындан толып-ташып акъа башлады.