Нун огълу Ехошуа 24:8 - Мукъаддес Китап

⁸ Мен сизни Иорданнынъ янында яшагъан аморлыларнынъ топрагъына кетирдим. Олар сизнен дженк эттилер, лякин Мен оларны къолларынъызгъа бердим, ве сиз оларнынъ топракъларыны асабалыкъкъа алдынъыз. Мен козюнъиз огюнде аморлыларны ольдюрип ташладым.

Нун огълу Ехошуа 24:8 ပူးပေါင်းရင်းမြစ်များ

Нехемья 9:22

Сен оларгъа башкъа падишалыкъларны ве халкъларны бердинъ, оларны пайлаштырдынъ. Олар Сихоннынъ топрагъыны, Хешбон падишасынынъ топрагъыны ве Башан падишасы Огнынъ топрагъыны тартып алдылар.

Чыкъыш 23:23

Сизинъ огюнъден Мелегим кетип, сизни аморлыларгъа, хитлилерге, перизлилерге, ханаанлыларгъа, хивлилерге ве евуслыларгъа алып кеткенде, Мен бу халкъларны ёкъ этерим.

Амос 2:10

Мен сизни Мысыр мемлекетинден чыкъардым, къыркъ йыл сахрада юрсеттим, аморлыларнынъ топрагъыны сизге бердим.

Амос 2:9

Мен оларнынъ огюнде аморлыларны ёкъ эттим. Олар кедр тереги къадар бойлу, эмен къадар кучьлю олсалар да, Мен тёпесинден махсулыны, тюбюнден тамырларыны къуруттым.

Къануннынъ текрары 2:32

Сихон бутюн ордусынен берабер Яхац шеэри янында бизге къаршы дженкнен чыкъты.

Нун огълу Ехошуа 13:10

Хешбонда аммонлыларнынъ сынъырларына къадар падишалыкъ эткен аморлыларнынъ падишасы Сихоннынъ эписи шеэрлери,